2017 jyldyń 7 qańtarynan 29 naýryzyna deıin 690 917 qazaqstandyq ýaqytsha tirkeýge turǵan, - delingen İİM-niń baspasóz qyzmetiniń kaz.tengrinews.kz resmı saýalyna bergen jaýabynda. Sonyń ishinde Astanada 135 685, al Almatyda 168 222 adam. 

Qamshy.kz tilshisi ýaqytsha tirkeýge turǵandardyń qanshalyqty memlekettik baj tólegenin eseptep kórdi. Ýaqytsha tirkelýshige memleket 227 teńge salyq tóleýdi mindettegen. Bol somany ýaqytsha tirkelýshiler sanyna kóbeıtsek, 156838159 ıaǵnı, 157 mıllıon teńgedeı aqsha jınalǵan.

İİM málimeti boıynsha, 2016 jyly Qazaqstanda turǵylyqty jeri boıynsha 1 020 298 adam tirkelgen. Eń kóp tirkelgen adamdar - Almatyda - 128 124, OQO-da - 126 798 jáne Astanada - 115 215. Sonymen qatar, jyl basynan Qazaqstanda qansha sheteldiktiń tirkelgeni belgili boldy. Respýblıka boıynsha jalpy 235 442 sheteldik tirkeýge turǵan. Eń kóp tirkelgeni - Almatyda - 61 330 adam , OQO-da - 42 965 adam jáne Almaty oblysynda - 25 193 sheteldik.

Sondaı-aq, Ýaqytsha tirkelý týraly zańdy buzatyndarǵa da aıyppul qarastyrylǵan edi. Ýaqytsha turyp jatqan jerinde bir aıdan asa ýaqyt tirkeýsiz turǵany úshin 7 AEK, ıaǵnı 16 myń teńge aıyppul salynatyn. Ekinshi tekserý kezinde zańbuzýshylyq anyqtalsa, aıyppul 13 AEK, ıaǵnı 29 500 teńge qarastyrylǵan.

Sonymen qatar, jyl basynan Qazaqstanda qansha sheteldiktiń tirkelgeni belgili boldy. Respýblıka boıynsha jalpy 235 442 sheteldik tirkeýge turǵan. Eń kóp tirkelgeni - Almatyda - 61 330 adam , OQO-da - 42 965 adam jáne Almaty oblysynda - 25 193 sheteldik.

200 myń sheteldik yqtıar hat alsa, 1 725 890 sheteldik Qazaqstanǵa ýaqytsha kelgen.

Eske salsaq, Ýaqytsha tirkeý kezinde tirkeý ortalyqtarynda adamnyń kóptiginen 2 adam qaıtys bolǵan edi.