3 sáýirde Sankt-Peterbýrg metrosyndaǵy «Sennaıa alańy» jáne «Tehnologıalyq ınstıtýt» aıaldamalarynda bolǵan jarylystyń epısentirinde 22 jastaǵy qazaqstandyq Maksım Arıshev esimdi azamat bolýy múmkin, dep habarlaıdy peterbýrgtik «Fontanka» basylymy.
Onyń denesi jarylǵan vagonnyń ishinen tabylǵan. Basylym 3 sáýirde keshki ýaqytta metrodaǵy jarylystan keıin úsh adamnyń máıiti kimge tıesili ekenin jarıalaǵan. Aldyn ala málimetter boıynsha, Arıshev jankeshti lańkes bolýy múmkin degen boljamdar bar.
Alaıda, Maksımnyń dostary men jaqyndary bul aqparatqa senbeıdi, olaı bolýy múmkin emes dep otyr.
"Peterbýrgte birneshe jyl turyp keledi. Kúnde óziniń úırenshikti jolymen júredi. Janynda ylǵı qujattary bolady. Onyń radıkaldy aǵymdarmen de baılanysy bolýy múmkin emes" deıdi jaqyndary.
Onyń ýnıversıtette birge oqıtyn dosy da suhbat berdi. Dosy Iýrıı Romanovtyń aıtýynsha, bu jaǵdaıǵa ýnıversıtet muǵalimderi kináli. Sebebi, sol kúni Maksım tórtinshi pánge qatyspaı, úıine qaıtyp bara jatqan eken. "Eger muǵalimder ár stýdenttiń kelip-kelmeı júrgenderin baqylap turatyn bolsa, bundaı jaǵdaı oryn almas edi" dedıi dosy.
Onyń ústine, kýrstastarynyń aıtýynsha, Maksım qarapaıym, kópshil jigit bolǵan kórinedi. Jarylysqa qatysy bolýy múmkin degen qaýesetke eshkim senbes te edi. BAQ ókilderi kameradan kórgen jarylysty uıymdastyrǵan adam Maksım Arıshev dep otyrǵan jigittiń dosyna uqsamaıtynyn da aıtyp qaldy Romanov.
Taǵy eki adam - 71 jastaǵy Iýrıa Nalımov jáne 18 jastaǵy Ksenıa Mılúkova. Sankt-Peterbýrgte jarylys uıymdastyrǵan boljamdy lańkestiń sýreti jarıalandy. 3 sáýirde beınebaqylaý kameralary túsirip alǵan kadr jarıalandy, - dep habarlaıdy REN TV arnasy.
Kýágerlerdiń aıtýynsha, bul poıyzdyń ishinde sómkesin tastap ketken er adam. Telearna málimetinshe, er adam poıyzdan shyǵyp, syrtqy qabatqa ótip emin-erkin metrodan ketip qalǵan. Osydan keıin onyń qaıda ketkeni belgisiz.
Metro mańynda ornalasqan baqylaý kamerasy jarylystan keıin boljamdy lańkesti túsirip alǵan. Vıdeonyń úzindilerinen onyń metrodan qolynda ustap júrgen sómkesiz shyqqanyn kórýge bolady. Sonymen qatar, ol telefonǵa qarap tur. Ózine qajetti málimetti bilgennen keıin ol ketip qalady. Er adamdy alańda basqa bir baqylaý kamerasy túsirip alǵan. Onda jarylysqa kináli kúdikti kóshede birneshe ýaqyt boıy turǵan. Alaıda telearnanyń málimetinshe onyń famılıasy Djalálov (Arıshev - keıbir BAQ málimetinshe), ol Ortalyq Azıadaǵy respýblıkalardyń biriniń azamaty. Olardyń málimetinshe, er adam sońǵy ýaqytta Sankt-Peterbýrgte turǵan jáne bıyl aqpanda óz elinde bolyp kelgen. Keıinirek reseılik BAQ terakt uıymdastyrǵan Qyrǵyzstannyń 22 jastaǵy Akbarjon Djalılov ekenin habarlady. Soǵan qaramastan RIA Novostı lańkestiń Ortalyq Azıadan shyqqany týraly aıtýǵa negiz joq ekenin jazady. Ázirge kúdiktiniń jarylysty uıymdastyrǵany nemese jarylystyń epısentrinde kezdeısoq bolǵany belgisiz. Sonymen qatar, beınebaqylaý kameralary qara tústi kıimdegi er adamnyń sýretterin jarıalaǵan, onyń jarylysty uıymdastyrýǵa qatysy bar bolýy múmkin delingen. Alaıda ol ózi polısıaǵa kelip, jarylysqa esh qatysy joǵyn aıtqan.
Eske sala keteıik, 3 sáýirde keshki ýaqytta Sankt-Peterbýrg metrosynda jarylys boldy. Derekterge sáıkes, metro vagondarynyń biri jarylyp, 10 adam qaza tapqan. Al búgin 11 adamǵa artqanyn habarlaıdy. Birinshi jarylys «Sennaıa alańynda» bolǵan, al ekinshisi «Tehnologıalyq Ýnıversıtettiń» janynda oryn aldy. Sennaıa alańy qalanyń ortalyǵy bolyp tabylady. Aıta keter bolsaq, Peterbýrg metrolary óte tereńde ornalasqan.
