"Biz adamnyń baǵasyn ony kómgende ǵana, zırat basynda ǵana aıtatyn ultqa aınaldyq..." Talasbek aǵa osylaı dep edi... Kesheden beri qazeqeń Talasbekke talasyp-tarmasyp baǵa berip jatyr. Aý, qazaqtyń balasy, buǵan deıin izdeseń qaıda qaldyń? Talas aǵa bu saýalǵa jaýabyn tas-túıindep aıtyp ketken eken: " Qazaqtyń qalamgeri ter tógip jazady, jazǵanyn túrli amalmen gazetke basady, kitap qylyp shyǵarady. Sodan soń áleýmetke qaraıdy. Al áleýmet... lám-mım demeıdi." Nege únsiz qalamyz? Kúlli qazaq biregeı ıntellektýal Talasbegin nege tanymaıdy? Aıakózdiń sheneýnikteri Talasbektiń tyrnaǵyna tatymaıtyn qaıdaǵy bir ánshi-pánshilerin áspettegendi bilgende, osy óńirden Maǵaýınnen keıin shyqqan ǵulamasynyń arqasyna bir shapan jabýdy bildi me? Talasbek týraly derekti fılm bar ma? Zamana aǵymy, ádebıettiń damýy týraly aıtqan parasat-paıymdary taspada saqtalyp qaldy ma? "Taltúsinen" bólek dúnıeleri kitap bolyp jaryq kórdi me?

Taǵy da jaýapty Talasbekshe tarqatsaq: "D.Korchınskıı óziniń «Revolúsıa «ot kýtúr» atty kitabynda, qandaı da bolmasyn halyq respýblıkaǵa aınalý úshin eń áýeli pýblıka kezeńinen ótý kerek deıdi. Iaǵnı, halyq áýeli pýblıka bolyp qalyptasýy kerek, árbir mádenı qubylys, árbir jańa qoǵamdyq oı, ıdeıany búkil halyq bolyp jabyla talqylap úırenýi kerek degen sóz. Aǵylshyn Somerset Moem bir maqalasynda fransýz jazýshylarynyń bir-birine telefon arqyly romandaryn oqıtynyn, oqyǵandaryn saǵattap talqylap, taldaıtynyn aıtady. Batysta solaı. Sebebi, Batysta pýblıka bar. Al bizde olaı emes. Jáne biraz ýaqytqa deıin olaı bolmaıtyn sıaqty." Búgingi qazaq qoǵamyna Talas aǵa tarapynan berilgen ashshy baǵa osy... Menińshe, talas týdyrmaıtyn pikir...

Dına Túlekova. (Facebook-tegi paraqshasynan)