Almaty qalalyq İshki ister departamentiniń ókilderi áýejaı mańynda jalańash serýendep júrgen er adamǵa qatysty pikir bildirdi, - dep habarlaıdy Qamshy aqparattyq agenttigi Tengrinews.kz basylymyna silteme jasap.

Sóıtsek, ol Almatynyń 1976 jylǵy turǵyny eken. 

"Bul oqıǵa keshe saǵat 19.45-te bolǵan. Almaty qalalyq İİD-niń Jedel áreket etý ortalyǵyna tyr jalańash er adamnyń Almaty áýejaıynyń alańynda adamdarǵa tıisip júrgeni jaıly habar kelip tústi. Oqıǵa ornyna jol-patrýldik polısıasynyń ekıpajy jetti. Er adam alkogólge jáne esirtkige mas bolǵan sıaqty, biraq naqty anyqtaý qıyndyq týǵyzdy. Suraqqa naqty jaýap bermedi. Qashýǵa tyrysty, sondyqtan ol ustalyp, Túrksib aýdandyq İİB-ge jetkizildi", - dep habarlady Almaty qalalyq İİD resmı ókili Saltanat Ázirbek. 

"Dárigerler brıgadasy shaqyrtyldy. Olar er adamdy tekserdi. Qazirgi ýaqytta psıhonevrologıalyq dıspanserge er adamnyń esepte turǵan-turmaǵanyn anyqtaý úshin suranys jiberildi. Ol usaq buzaqylyq úshin ákimshilik jaýapkershilikke tartyldy. Onyń kim ekeni anyqtaldy. Er adam buryn sotty bolǵan. Ol óziniń áreketin túsindirmedi", - dedi polısıadaǵylar.  

Almaty áýejaıynda jalańash er adamnyń ustalǵany túsirilgen vıdeo áleýmettik jelilerde jarıalanǵan bolatyn. Kadrlardan birneshe polıseıdiń jalańash er adamdy kólikke otyrǵyzyp jatqany kórinedi.