Astana, 11 mamyr, Májilis Úıi. Parlament Májilisinde 2017 jylǵy 12 mamyrda «Qazaqstan Respýblıkasynda halyqty tegin medısınalyq kómektiń kepildik berilgen kólemi sheńberinde dárilik zattarmen qamtamasyz etý jáne farmasevtıka salasynyń jaı-kúıi jáne damýy týraly» taqyrybynda parlamenttik tyńdaý ótedi dep habarlaıdy Qamshy aqparattyq agenttigi Parlamenttiń baspasóz qyzmetine silteme jasap.

Parlament depýtattary dárimen qamtamasyz etýdiń ózekti máselelerin jáne osy saladaǵy problemalardy sheshý joldaryn talqylamaq.

Parlamenttik tyńdaýǵa Májilis Tóraǵasy Nurlan Nyǵmatýlın jáne Premer-Mınıstrdiń birinshi orynbasary Asqar Mamın qatysady dep kútilýde.

Sharaǵa Densaýlyq saqtaý mınıstri Eljan Birtanovtyń, Investısıalar jáne damý mınıstri Jeńis Qasymbektiń, Aqtóbe oblysynyń ákimi Berdibek Saparbaevtyń, sondaı-aq dárilik saıasat salasyndaǵy halyqaralyq sarapshy Frans Stobbelaardyń (Nıderland) taqyryptyq baıandamalary tyńdalatyn bolady.

Sonymen birge, Tyńdaýdy daıyndaý jónindegi arnaıy ýaqytsha komısıanyń jetekshisi, Májilis depýtaty Beıbit Mamraev baıandama jasaıdy.

Parlamenttik tyńdaýǵa sondaı-aq, ortalyq jáne jergilikti atqarýshy organdar ókilderi, iri farmasevtıkalyq kásiporyndardyń basshylary men sheteldik sarapshylar, medısına qyzmetkerleri, úkimettik emes uıymdar men buqaralyq aqparat quraldary ókilderi qatysady dep josparlanǵan. Tyńdaý qorytyndysy boıynsha Qazaqstan Respýblıkasynyń Úkimetine Usynystar ázirlenedi.