OQO halqynyń sany sońǵy jarty jylda 25 myń 234 adamǵa artty. 2017 jylǵy 1 maýsymdaǵy málimet boıynsha oblys halqynyń sany 2 894 816 adam, sonyń ishinde qalalyq jerde 1 317 031, aýyldyq jerde 1 577 785 adamdy qurady. Ótken jylǵy tıisti kezeńmen salystyrǵanda halyq sany 1 paıyzǵa nemese 28 448 adamǵa artyp otyr, dep habarlaıdy Qamshy.kz aqparat agenttigi. Bul týraly aımaqtyq komýnıkasıalar qyzmetinde ótken brıfıńte Ońtústik Qazaqstan oblystyq statısıka departamentiniń basshysy Aıdar Ábildabekov málim etti.
– Respýblıka boıynsha bizdiń oblys týý men tabıǵı ósimi kórsetkishteri boıynsha 1-orynda. Bıyldyń bes aıynda oblys týý boıynsha respýblıka deńgeıinde aldyńǵy qatarynda kórindi. Onyń úlesi 20,2 paıyzdy nemese 31 409 balany qurady. 2017 jylǵy qańtar-mamyr aılarynda 1000 qyz balaǵa 1 076 ul bala týdy. Bul jerde ul balalardyń kóp týylý úrdisi saqtalýda,- dedi Aıdar Ahmetbekuly.
Halyqtyń jalpy sanynyń ózgerýi tikeleı tabıǵı ósim, ıaǵnı halyqtyń týǵandar men ólgender sanynyń ózgerýi jáne kóshi-qon ósimi áser etedi. Oblysta 2017 jylǵy qańtar-mamyr aılarynda halyqtyń tabıǵı ósimi 25 234 adamdy quraǵan.
Al bıylǵy I toqsanda halyqtyń ortasha bir aıda jan basyna shaqqandaǵy ataýly aqshalaı tabystary 41 069 teńgeni qurap, 2016 jyldyń tıisti kezeńimen salystyrǵanda 1,1 paıyzǵa ósken. Al naqty aqshalaı tabys 6,7 paıyzǵa tómendegen. 2017 jylǵy I toqsanda halyqtyń aqshalaı tabystarynyń basty kózi eńbek qyzmetinen túsken. Osy kezeńde halyqtyń aqshalaı shyǵystarynyń 95,8 paıyzy tutyný shyǵystaryna azyq túlik jáne azyq túlik emes taýarlary men aqyly qyzmetterge ketken. 2017 jylǵy İ toqsanda oblys boıynsha bir qyzmetkerdiń ortasha aılyq ataýly jalaqysy 95 705 teńgeni qurap, 2016 jyldyń tıisti toqsanymen salystyrǵanda 3 paıyzǵa artqan.
Aıta keteıik, osy toqsanda eń joǵary ortasha aılyq jalaqy Sozaq aýdanynda 187 854 teńge bolyp belgilendi. Al eń tómen jalaqy Tólebı aýdanynda – 75 824 teńgeniń kóleminde.
Baspasóz jıyny barysynda departament basshysy jýrnalıser tarapynan qoıylǵan saýaldarǵa da jaýap berdi. Bul rette tilshiler eńbek naryǵy jáne eńbek aqy tóleý, azyq-túlik baǵasy, saýda naryǵy týraly naqty aqparattar aldy.
