Reseıdiń Sırıadaǵy 2015 jyldyń qyrkúıeginde bastaǵan áskerı operasıaǵa 108-den 140 mıllıard dollarǵa deıin jumsaǵan, dep jazady Qamshy.kz aqparat agenttigi. Bul týraly «Iabloko» partıasyna silteme jasap «Vedomstı» habarlaıdy.

Sonymen, Sırıadaǵy reseılik avıasıanyń áskerı ushqyshtaryna ketken shyǵyn 90-nan 117 mlrd. rúblge deıin jetken. Partıanyń esepteýinshe, 6 mlrd. rúblge jýyq qarjy 71 «Kalıbr» zymyranynyń ushyrylýyna ketken. Al isten shyqqan áskerı tehnıkanyń quny 11 mlrd. rúbl boldy. 4 mlrd. áskerılerdiń tamaǵy men kerek-jaraǵyna jumsalǵan. Kem degende 102 mln. rúbl qarjy qaza tapqan áskerılerdiń otbasylaryna berildi. Sırıada qaza tapqan 34 áskerdiń árqaısysynyń otbasyna zań boıynsha 3 mln. rúbl berilýi tıis.

Ótken jyldyń naýryzynda RBK Sırıadaǵy operasıaǵa Reseı 38 mlrd. rúbl jumsady degen aqparat taratqan.

Qorǵanys mınıstri RBK men «Iabloko» basylymynyń aqparatyn maǵynasyz dep esepteıdi. Onyń oıynsha, joǵalǵan ushaqtar men tikushaqtardyń qunyn esepteý qur «sandyraq». Sebebi, olar Sırıadaǵy operasıaǵa qatyssyz satyp alynǵan.