Astana qalasynda V-Voý bıshileri toby, «Sorea Band» qyzdar K-ror toby óner kórsetken, ári Koreıa pavılonynyń qurmetti elshisi tanymal akter Son Kan Djýn qatysqan Koreıa Respýblıkasynyń Ulttyq kúni atalyp ótti, dep habarlaıdy Qamshy.kz aqparat agenttigi Aqmola oblysynyń Óńirlik komýnıkasıalar qyzmetine silteme jasap.
Sonymen qatar is-sharaǵa Saýda, óndiris jáne energetıka Mınıstrliginiń turaqty komısary Kım Eng Sam, KOTRA (Koreıanyń saýda jáne ınvestısıalardy yqpaldastyrý agenttigi) Bas dırektory Kım Dje Hong, QR Investısıalar jáne damý vıse-mınıstri Erlan Haırov, Koreı pavılonynyń komısary Kım De Sık qatysty.
Kım Eng Sam óziniń saltanatty sózinde Qazaqstan - Koreıa Respýblıkasynan Ortalyq Azıaǵa eń aýqymdy ınvestısıa tartqan memleket ekendigin, Koreıa Respýblıkasyna saıahattaıtyn Qazaqstandyqtardyń sany 30 paıyzǵa artqandyǵyn aıtty.
Sóz sońynda búgingi tańda «EKSPO-2017» HMK pavılonyn tamashalaǵandar sany 150 myńnan asqandyǵyn atap ótti.
«Qazaqstanda 100 myńnan asa etnıkalyq koreıler turady. Sondyqtan, eki ult arasyndaǵy qalyptasqan baýyrmaldyq men dostyq qasıet tarıhtan kele jatqan qubylys deýge bolady. Qazaqstan Koreıanyń tájirıbesin belsendi túrde qoldanyp keledi. Qazirgi tańda túrli bilim berý baǵdarlamalarynyń arqasynda kóptegen stýdentter sapaly joǵarǵy bilim alyp kelýde. Búgingi tańda «tańǵy shyq eli» álemdegi eń energotıimdi elderdiń biri bolyp tabylady», - dep atap ótti Erlan Haırov.
Merekelik baǵdarlamasynyń resmı bólimi aıaqtalǵan soń sahnada koreı ultynyń dástúrli jaýyngerlik óneri – taekvando kórsetildi. Budan bólek, kórme qonaqtary men jýrnalıster úshin ataqty koreı ártisi So Kan Djýnmen fan mıtıń uıymdastyryldy.
