Qyrǵyzstan prezıdenti Almazbek Atambaev latyn álipbıine kóshý týraly óz pikirin bildirdi, dep jazady Qamshy.kz aqparat agenttigi. Onyń oıynsha, latynǵa kóshý túrki tildes halyqtardyń arasyn alshaqtatady, sondaı-aq kedeılikti áli kúnge deıin jeńe almaı kele jatqan Afrıkany esine aldy.

Óz oıyn Atambaev óziniń bastamasymen Bishkekte ótken «Altaı sıvılızasıasy jáne altaı tildi otbasylardyń týystastyǵy» halyqaralyq forýmy barysynda aıtty. Prezıdenttiń aıtýynsha, álipbıdi ózgertý jaıyndaǵy ár usynystyń ózindik jańa túsiniktemesi bar.  

“Latyn - damyǵan elderdiń alfavıti jáne el ekonomıkasynyń damýyna oń áser etedi degen pikir bar. Biraq ıeroglıf Qytaı, Japonıa jáne Koreıanyń damýyna kedergi keltirdi me? Latynǵa kóshken Afrıka elderi kedeılikti jeńe aldy ma?" dedi Atambaev.

Sondaı-aq Atambaev kırıllısa túrki halyqtaryn bir arnada toǵystyrǵan álipbı dep atady.

“Kırıllısa Sovet odaǵynyń quramynda bolǵan túrki halyqtaryn bir mádenı arnada bolýǵa septigin tıgizdi. Shyńǵys Aıtmatov, Muhtar Áýezov bastaǵan bizdiń jazýshylar men ǵalymdar óz eńbekterin kırıllısada jazdy" dedi Qyrǵyzstan prezıdenti.

Sovet odaǵy qulaǵan soń Ázerbaıjan, Túrkimenstan jáne Ózbekstan latyn álipbıine kóshken. Qazaqstan prezıdenti Nursultan Nazarbaev 2017 jyldyń sońyna deıin latyn álipbıiniń standarttaryn jasaýdy tapsyrǵan.

Atamabaev 21 maýsymda qyrǵyz dıasporasymen kezdesýde latyn álipbıine kóshýge qarsylyǵyn bildirdi.