Álem fýtbolynyń tiri ańyzdary EKSPO-2017 kórmesi aıasynda uıymdastyrylatyn «EXPO 2017 Football Cup» halyqaralyq týrnırinde kúsh synamaq, dep jazady Qamshy.kz aqparat agenttigi. Bul jaıly halyqaralyq kórmeniń uıymdastyrýshylary habarlady .
Fýtbol jarysy 5-shi tamyz kúni «Astana Arena» stadıonynda ótedi. Formaty boıynsha atalmysh týrnır «Ańyzdar kýbogyna» dálme-dál uqsas, alańda 5 oıynshy jáne qaqpashy (6×6) oınaıdy.
Astana tórinde Qazaqstan, Reseı, Italıa, Germanıa, Portýgalıa jáne álem quramalary tartysqa túsedi. Kevın Kýraná, Dıno Badjo, Marko Delvekkıo, Nýný Manıshe, Iarı Lıtmanen, Ernan Krespo, Jan-Per Papen, Roman Shırokov, Valerıı Karpın, Aleksandr Fılımonov syndy álem fýtbolynyń tiri ańyzdary óz ónerlerin pash etedi.
Elimizdiń namysyn kelesi ardager sportshylarymyz qorǵaıdy: Olegom Voskoboınıkov, Igor Avdeev, Andreı Karpovıch, Qaırat Aýbakırov, Murat Tleshev, Nurbol Jumasqalıev jáne Andreı Fınonchenko.
Aıta keteıik, 4 tamyzda «Astana EKSPO-2017» kórmesiniń aımaǵynda jankúıerlermen kezdesý rásimi ótedi. Sonymen qatar, jankúıerler jıyn barysynda fotoǵa túsip, qoltańba alý múmkinshiligi qarastyrylǵan. Al 6-shy tamyzda «Astana Arena» stadıonynda balalar men jasóspirimder sport mektebiniń túlekterine arnaıy sheberlik sabaqtary ótedi.
Týrnırdiń kúntizbesi men medıa jospary jáne oıyn aldyndaǵy is-sharalar jarys bastalýyna bir apta qalǵanda ótetin jerebe tartý rásiminen keıin belgili bolady.
