Reseı prezıdenti Vladımır Pýtınniń málimdeýinshe, Máskeý Amerıkanyń ózine qarsy uıymdastyrylyp jatqan sanksıalaryna sabyrlyq tanytyp keldi, alaıda «shydamnyń da shegi bar».

Onyń sózderine qaraǵanda, Máskeý atalmysh zańnama naqty qabyldaǵan soń óziniń jaýabyn mindetti túrde beredi, dep jazady Qamshy.kz aqparat agenttigi.

Ótken beısenbide Aq úıdiń komýnıkasıa jónindegi departament jetekshisi Entonı Skaramýchchı prezıdent Donald Tramptyń zańnamaǵa veto qoıýy múmkin ekenin aıtqan. Alaıda onyń túbinde Reseıge qarsy odan da soraqy sharalardyń júrgiziletinin eskertti.

Budan buryn reseılik «Kommersant» basylymy zańnama qabyldanǵan jaǵdaıda atalmysh máselege  óz boljamdaryn jasap kórdi. Basylymnyń málimdeýinshe, zań maquldansa, Máskeý 35 amerıkalyq dıplomatty bosatady, sondaı-aq AQSH-tyń Reseıdegi elshileriniń sanyn qysqartady.

2016 jyldyń jeltoqsanynda Amerıka bıligi 35 reseılik dıplomatty jiberip, Nú-Iork pen Merılendegi eki elshilikti japqan bolatyn. Onyń sebebi, Reseıdiń Amerıkadaǵy saılaýǵa aralasýy men amerıkalyq dıplomattarǵa qysym jasaýy.