«Ult josparynyń -100 naqty qadamynyń» - 77-shi qadamyn oryndaý maqsatynda elimizde 10 aldyńǵy qatarly kolej ben 10 joǵarǵy oqý orny tańdaldy. Aqtóbedegi polıtehnıkalyq koleji de ózge oqý oryndaryna úlgi, dep habarlaıdy qamshy.kz tilshisi.
«Modýldik tásildememen ázirlengen oqý baǵdarlamalarynyń ereksheligi bilim alýshy ár modýldi aıaqtaǵannan keıin belgili bir quzirettilikke ıe bolady. Birneshe mamandyqty qatar alyp shyǵady. Dástúrli oqytýda orta býyn mamandyǵy boıynsha bir dıplom alyp, mysaly, tehnık-tehnolog, tehnık-mehanık bolyp shyǵady. Al, modýldik tásildeme boıynsha óz mamandyǵynan ózge taǵy eki jumysshy mamandyǵyn alyp shyǵady», - deıdi Aqtóbe polıtehnıkalyq kolejiniń ádiskeri Mıra Esetova.
Úzdik bilim ordasynda modýldik tásildeme boıynsha 9 mamandyqqa tıptik oqý jospary daıyn. Jańa oqý jylynan bastap júzege asyrylady. Al, ótken jyldan beri «Elektrmen qamtamassyzdandyrý» jáne «Aqparattyq júıeler» mamandyqtaryna stýdentter jańa tásilmen daıarlana bastady. "Mashına jasaý tehnologıasy" mamandyǵy boıynsha materıaldyq-tehnıkalyq bazasyn jabdyqtaý úshin kolej bıyl 200 mıllıon teńge bólýdi josparlaǵan. Jospar «Kásipqor» Holdıńi KEAQ arasynda jasalǵan sharttardyń negizinde qolǵa alynady.
«Modýldik tásildeme boıynsha tıptik oqý josparlary «Kásipqor» Holdıńimen 130 mamandyqqa bıyl daıyndaldy. Endi 1 qyrkúıekten bastap, modýldik tásildeme boıynsha ázirlengen oqý baǵdarlamalarymen jumys jasaımyz. Kolejde qazir 130 mamandyqtyń toǵyzyna tıptik oqý jospary daıyn. Bıyl mamandar daıarlaýdy bastaımyz. Odan ózge, sheteldik áriptesterden de qoldaý bar. Ol da «Kásipqor» Holdıńi arqyly iske asady»,-deıdi Mıra Esetova.
Aqtóbede eńbek naryǵynda suranysqa ıe 14 jańa mamandyq ashý jáne lısenzıaalý qarastyrylǵan. Jańa oqý jylynda tehnıkalyq jáne kásiptik bilim berý uıymdaryna 1000-nan astam talapker qabyldanady. Al, memlekettik tapsyrys boıynsha oqýǵa qabyldanýshylar sany 5000-nan joǵary.«Bıyl tehnıkalyq jáne kásiptik bilim berý júıesinde "Barshaǵa arnalǵan tegin kásibı-tehnıkalyq bilim berý" jobasy iske asyryla bastady. Oblysta kadrlarǵa suranys jumyspen qamtý jáne áleýmettik baǵdarlamalar basqarmasy jáne basqa da salalyq basqarmalarmen birlesip júrgizilgen taldaýlar negizinde anyqtaldy. Memlekettik bilim berý tapsyrysynyń jobasy suranysqa ıe mamandyqtar boıynsha bólindi. Bıyl jańa mamandyqtar ashý úshin jergilikti búdjetten 250 mıllıon teńge qarajat bólindi», - deıdi Aqtóbe oblystyq bilim berý basqarmasynyń basshysy Sáýle Ómirbekova.
Pikir qaldyrý