Astana ákiminiń eks-orynbasary, Nursultan Nazarbaevtyń úlken nemeresi kásipker Nuráli Álıev sporttyq órmeleý men álpınıser federasıasyna basshylyqqa keldi, dep habarlaıdy Qamshy.kz aqparat agenttigi Federasıa saıtyna silteme jasap.

Álpınıser federasıasynyń saıtynda jarıa bolǵan derekterge sáıkes, federasıanyń jańa basshysy qyzmetine Nazarbaevtyń úlken nemeresi Nuráli Álıev taǵaıyndaldy. Darıǵa Nazarbaevanyń uly Nuráli Álıev 2014 jyldyń jeltoqsanynan bastap 2016 jyldyń naýryz aıyna deıin Astana ákiminiń orynbasary qyzmetin atqarǵan bolatyn.

Esterińizge sala ketsek, 2016 jyldyń sáýir aıynda 32 jastaǵy Nuráli Álıevtiń esimi «panamalyq derekterde» saıasatkerler men kásipkerlerdiń ofshorlyq shottary boıynsha baspa dereginde paıda boldy. Keıbir elderde bul derekter túrli janjaldarǵa jáne de qyzmetkerlerdiń ornyn bosatýyna alyp kelgen bolatyn. Al Qazaqstanda halyqaralyq jýrnalıserdi tergeý jumystary eshqandaı da reaksıa týdyrmady.