Almatyda qoǵamdyq keńes músheleri «Qaladaǵy jolaýshy tasymaldaý kólikterindegi jolaqysynyń dıfferensıaldy tólemin engizý» máselesin talqylady, dep habarlaıdy Qamshy.kz aqparat agenttigi.

Keńestiń Feısbýktegi paraqshasynda kórsetilgendeı, jumys tobynyń otyrysy barysynda Jolaýshylar tasymaly basqarmasy men «Almaty kólik holdıńi» JSHS mamandary qoǵamdyq keńes músheleriniń usynymdaryn tyńdap, saýaldaryna jaýap berdi.

Otyrystyń sońynda qoǵamdyq keńes Almatydaǵy qoǵamdyq kólikterdegi jolaqysyn qolma-qol aqsha bolǵan jaǵdaıda 150 teńgege kóterý týraly usynysty qoldady.

«Almaty kólik holdıńi» AQ dırektorynyń orynbasary B. Bekeshev Almaty metrosynda SMS arqyly nemese bank kartalary arqyly tólengen jaǵdaıda jolaqysyn 80 teńge kóleminde qaldyrý týraly aıtty.

Otyrys qorytyndysynda Qoǵamdyq kólik jáne avtomobıl joldary basqarmasyna jolaqysy jaıynda halyq arasynda keń kólemdegi túsindirý jumystaryn júrgizý tapsyryldy.

Sondaı-aq, júrgizýshilerdiń jumysyn, Ońaı apparattarynyń durys jumys jasaýyn qadaǵalaý tabystaldy.

«Eger Ońaı apparaty durys jumys jasamasa, barlyq jolaýshylar atalǵan kólikte tegin júrýi tıis. Bul óz kezeginde apparatty qasaqana isten shyǵarýdy toqtatady», - dedi mamandar.

Aıta ketý kerek, osydan birneshe apta buryn Almatydaǵy jolaqysy qymbattaıtyny týraly qaýly shyǵarylǵan bolatyn. Qaýly qazir qoǵamdyq talqylaýda jatyr. Qoǵam tarapynan maquldanǵan jaǵdaıda qaýly ádilet organdarynda tirkelip, bekitiledi.