Premer-mınıstr Baqytjan Saǵyntaev ASHM birinshi vıse-mınıstri Qaırat Aıtýǵanovty synnyń astyna aldy, dep habarlaıdy Qamshy.kz aqparat agenttigi Tengrinews.kz saıtyna silteme jasap.

Premer-mınıstr aımaqtarda jumysqa qamtý baǵdarlamasynyń júzege asyrylýy ne sebepti tym tómen ekendigin surady. Aıtýǵanovtyń aıtýynsha, baǵdarlama 5 aýdanda 60%-dan astam júzege asyrylǵan. Saǵyntaev Qaırat Aıtýǵanovqa suraq qoıǵan kezde, ol óziniń málimdemesin oqyp bolyp ornyna jaıǵasa ketken.

«Qaırat Kaparovıch, men sizge suraq qoıdym, siz zaldy aınalyp júrsiz. Jaqsy, endeshe, ornyńyzda otyryp jaýap berińiz», – dedi premer-mınıstr.

Qaırat Aıtýǵanovtyń aıtýynsha, baǵdarlamalardy iske asyrý úshin qarajat tek mamyr aıynda kelip túsken. Alaıda vıse-mınıstrdiń bul jaýabyna qanaǵattanbaǵan Saǵyntaev: «Aqshanyń qashan túskendigin surap turǵanym joq. Sebebi nede? Jambyl oblysynda bar-joǵy 40% jáne Mańǵystaý oblysynda nól. Munyń sebebin anyqtadyńyzdar ma?» – dep sózin bólip tastady.

Belgili bolǵandaı, Mańǵystaý oblysynda agroónerkásipti nesıelendirý fılıaldary joq, sol sebepti de kásipkerler Atyraýǵa barýǵa májbúr eken.

«Ol jaqqa adamdardy Astanadan issaparmen jibergen ońaı emes pe? Ne sebepti Mańǵystaý oblysynan barlyǵyn Atyraýǵa jiberý qajet? Bul, tipti, múmkin emes jaǵdaı. Adamdardy durystap bóle almaısyzdar», – dep Saǵyntaev ASHM vıse-mınıstriniń jumysyn synǵa aldy.

«Shyǵysta bizdiń tarapymyzdyń adamdary durys jumys atqarmaǵandyqtan, dırektorlar men olardyń orynbasarlaryn aýystyrdyq. Olardy jumystan shyǵaryp, qazir ol jaqta tóraǵa orynbasary men nesıe bóliminiń basshysy jumys istep jatyr. Aqmola oblysynda eshqandaı másele bolmaıdy. SQO-da da Agroónerkásiptik nesıe korporasıasyna jańa dırektor taǵaıyndadyq, qazir ol barynsha jumys isteýde», – dep jaýap berdi Qaırat Aıtýǵanov.

«Demek, senderdiń jumyskerleriń biz talap etetin salada durys is atqara almaıtyn adamdar ma? Kim kóringendi jumysqa ala beresińder» – dep Baqytjan Saǵyntaev biraz synnyń astyna alyp, bul máseleni túbegeıli sheshýdi tapsyrdy.