Astanadaǵy Sırıa jónindegi kelissózderdiń kún tártibi Tegeranda ótetin elderdiń bitimge kelýi otyrysynda anyqtalady. Bul týraly seısenbi kúni jýrnalıserge QR syrtqy ister mınıstri Qaırat Ábdirahmanov habarlady, dep jazady Qamshy.kz aqparat agenttigi.

«Josparǵa sáıkes, bul kúnderi Tegeranda Sırıa boıynsha Astana prosesiniń sheńberinde kepil-memleketter sarapshylarynyń kezdesýi ótedi. Kezdesý barysynda Astanada ótetin kelissózderdiń kelesi kezeńiniń kún tártibi anyqtalady. Kelissózder tamyzdyń aıaǵyna josparlanady, ázirge eshqandaı ózgeris joq», – dedi Ábdirahamanov.

Aıta keteıik, Sırıa boıynsha Astanadaǵy besinshi halyqaralyq kezdesý 4-5 shildede ótken. Kezdesý qorytyndysyna sáıkes, urys is-qımyldaryn toqtatý rejımine kepil-memleketter – Iran, Reseı jáne Túrkıa – ári qaraı maquldaý maqsatymen Sırıada janjaldy tejeý aımaqtarynyń parametrlerin reglamentteıtin qujattardy qarastyrdy. Sondaı-aq Sırıada janjaldy tejeý aımaqtaryn qurý týraly memorandýmǵa sáıkes gýmanıtarlyq kómektiń kedergisiz qatynaýyn, ınfraqurylym obektilerin qaıta qalpyna keltirý máselelerin talqylady.