Asaý sheshen Esentemir Bólendi qonaqqa shaqyryp otyryp:

-E, bóle! Sizden bir-eki aýyz sóz suraıyn, ruqsat pa? - depti.

-E, shyraǵym, sura! - depti Bólen.

-Qudaıdyń bergeni, úıden qonaq ketpeıdi. Biri ketse biri keledi. Bireýleri bir kelmeıdi, birneshe keledi. Osylardy kelinińiz kórip «mynaý taǵy kele jatyr ma?»--deıdi. Bul netkeni? - depti Asaý.

- Ol kelinniń yrysy ketkeni,- deıdi Bólen.

- Aýyldyń jas balalary kári qonaqty jaqtyrmaıdy, sony kútýden erinedi. «Osy shaldarǵa ne joq, qydyrdy, jedi, birsypyra qyzyqty kórdi, endi úılerinde jatsa qaıtedi?»- deıdi. Bul netkeni?

- Ol balalardan erik ketkeni.

- Bóle! «Qonaq-qonsy» deıdi qazaq. Qonaq degen kim, qonsy degen kim?

- Qonaq degen myna men, jylyna bir ret shaqyrtý- men kelemin. Qonsy degen mynalar,- dep aınaladaǵy kisilerdi kórsetedi. Pálenniń úıine pálen kelipti, baryp amandasaıyq dep keledi.

-Al, Bóle! Qonaq neshe túrli bolady?

- Qonaq tórt túrli bolady: Arnaıy qonaq, 
Qudaıy qonaq, 
Qydyrma qonaq 
Qylǵyma qonaq.

Endi Bólen Asaýdan:— Jigittiń neshe jurty bar? - dep suraıdy.

- Jigittiń úsh jurty bar dep oılaımyn,- deıdi.

Asaý: 
Qaıyn jurty — minshil, 
Óz jurty — kúnshil, 
Naǵashy jurty — synshyl.

Sonda Bólen:— Jigittiń tórt jurty bolatyn edi, bireýin tastap kettińiz. Ol — eliniń azamaty. Bárinen de artyq sol edi- aý! - depti.