Shyńǵysqannyń ósıeti 
1. Eger uldar ákesiniń jolyn qýmasa, inileri aǵasynyń sózin tyńdamasa, kúıeýiniń áıeline senimi bolmasa, áıeli kúıeýin júre tyńdasa, eneleri kelinderin unatpasa, kelinder enelerin qurmet tutpasa, uly adamdar qorǵansyzǵa pana bolmasa, paqyrlar danalar sózin quptamasa, basshylar qyzmetkerleriniń júregine jol tappasa, aınalasyndaǵy adamdardy sońynan erte almasa, ıgilikti basqa jandardan mol ıgerip, baıyǵan adamdar basqalardyń da baıýyna kómektesip, qol ushyn bermese, basqa halyqtyń ádet-ǵurpy men zańyna, aqyl-parasaty men adamgershiligine menmendikpen qarasa, memleket tártibin moıyndamasa, ondaı elde urylar men sýaıttar, qylmyskerler men basqa da buzyq jolǵa túskender oz otanynyń basyna qara túnek ornatady. Basqasha aıtqanda, ol eldiń baılyǵy ustaǵannyń qolynda, tistegenniń aýzynda ketedi, jylqylary men tabyndarynyń tynyshtyǵy buzylady, joryqqa mingen attary zoryǵyp óledi, sóıtip búkil halyq túkke turmaıtyn dármensiz beısharaǵa aınalady. 
2. Eger árkim óz pıǵylyn aramdyq oıdan tazartatyn bolsa, búkil el ury-qarydan, zıandy ádetten pák bolar edi. 
3. Momyn halyqtyń arasynda júrgende qoshaqandaı momyn bol, al shaıqasqa shyqqanda, jemtik kórgen ash búrkitteı shúılik. 
4. Sózdi aıttyń ba – ol jaqsy ma, jaman ba, shyn ba, ázil me, báribir qaıtara almaısyń. Sondyqtan sózińdi bezbenmen ólshegendeı salmaqtap baryp aıt. 
5. Er kisi bir mezgilinde barlyq jerdi jarq etip otyratyn kún emes. Olaı bolsa, eri ańǵa ne joryqqa ketkende, áıeli eriniń otbasyn kóńirsitpeı, úı ishin úlbiretip otyrýy kerek. Kelgen kisige eriniń joqtyǵyn bildirmeı, qurmetpen qarsy alyp, dámdi taǵam berip, adal peıilmen syılap jiberse, óziniń abyroıyn arttyryp qana qoımaıdy, el arasynda eriniń de abyroı-bedelin asqar shyńǵa shyǵarady. Er kisiniń abyroıy áıeliniń adamgershilik qasıetterine tikeleı baılanysty. Kerisinshe, áıel paryqsyz, júrgen jerinde abyroısyz, ar-namysyn aıaqqa basyp júrgen bádik bolsa, kúıeýiniń de abyroıy bolmaıdy, aýyzdaǵy sózi aıaqtyǵa jol bolady. 
6. Sherbetten aqyl da, paıda da, abyroı da, qaıyrymdy minez-qulyq ta, adamgershilik te kútpe. İshýdi tastaı tyıýǵa jigeriń jetpese, shamańdy baıqap, mólsherlep ishkin. Múldem ishpeıtin adam – naǵyz qadirli adam!