Batyrdyń basy (Keıki batyr jaıynda)

    Nazerke Labihan
    Batyrdyń basy (Keıki batyr jaıynda)

    Kim biledi ǵazız basy Keıkiniń

    Tánsiz qalǵan qalpyna ne deıtinin?!

    Bilemiz biz qorqaý qasqyr  qý bastyń

    Kózderiniń maıyn alyp jeıtinin.

     

    Sol bir basta qulaq  penen aýyz  bar,

    Tek kózderin jaba almapty  jaýyzdar.

    Basy joq tán eldiń ishin áli de

    Kezip júrgen eles degen ańyz bar.

     

    Kene hannyń qoldy bolǵan basyndaı

    Aqıqatty aıtý kerek jasyrmaı.

    Sarbazdar kóp sheıit bolǵan shaıqasta,

    Sabaz edi kóbi saıdyń tasyndaı.

     

    Suq saýsaǵyn kezegende sestiler,

    Ólgen basqa el qaıǵysy estiler.

    Aıaq-qolym aman bolsa boldy dep

    Júrgen basqa, bálkim, aqyl kesh kirer.

     

    Tosyn bolsa qas batyrdyń ajaly,

    Ustap berse óz qandasy –qazaǵy,

    Jerdi bylǵap júrgenine máz bolǵan,

    Esil erdi joqtaıtyndar  az áli.

     

    Sorly zaman kótkenshektep, ker ketken,

    Sory qalyń erdiń jasyn kóldetken.

    Jan-jarynyń ishin jaryp, urpaǵyn

    İstikke ilgen ne kútesiń jendetten?!

     

    Qoly qalǵan erdiń semgen denede,

    Sory qalǵan aıdalada, tóbede.

    Ańdyp júrgen jaýyn týra ata almaı

    Qapy qalsa, oǵan basy sene me?!

     

    Surqıanyń dáýirine kez kelgen,

    Mezi bolǵan alyp-qashpa sózderden,

    Sumyraıdy kózdep turǵan sekildi

    Besataryn tastamaǵan  qolmergen.

     

    Ǵazız basy munda jatqan adamnyń

    Beınesindeı soqyr, kereń qoǵamnyń.

    Qaıran, elim!

    Joǵalmasyn bastaryń,

    Jolamasyn budan bylaı  saǵan muń.

     

    Parqyn bilip adal menen aramnyń,

    Jigin ashyp halal menen haramnyń,

    Esi kirgen estıarlar  kóbeısin,

    Erlik isin maqtan eter babańnyń.

    Aqylbek  Shaıahmet

    Qatysty Maqalalar

    JAŃA KİTAPTYŃ TUSAÝY KESİLDİ

    JAŃA KİTAPTYŃ TUSAÝY KESİLDİ

    10:56, 05 qarasha 2026
    Dáýir bıiginen estilgen jyrlar

    Dáýir bıiginen estilgen jyrlar

    22:02, 19 tamyz 2026
    Mahambet-Maǵjan ólmepti!

    Mahambet-Maǵjan ólmepti!

    14:19, 10 aqpan 2026