Almaty iri janarmaı beketi jelisinde benzın men dızel janarmaıynyń baǵasy ósti, dep habarlaıdy Qamshy.kz  aqparat agentigi.

«QazMunaıGaz» janarmaı beketinde AI-92 benzıniniń baǵasy artty, tamyz basynan beri 144 teńgege deıin artqan. AI-95 benzıniniń baǵasy da úsh teńgege artyp, 158 teńge boldy, al dızel tamyz basynan beri tórt teńgege artyp, lıtri 144 teńge bolǵan. 

Royal Petrol beketterindegi benzın baǵasy: AI-92 – 145 teńge, dızel – 145 teńge, AI-95 – 159 teńge. 

Sinooil janarmaı beketinde bir lıtr AI-92 eki teńgege qymbattap, 145 teńge boldy. Dızel janarmaıy men AI-95 benzıni bir teńgege qymbattap, 144 jáne 159 teńgege jetti.

Helios beketterinde bir lıtr AI-92  145 teńgeden satylady, dızel janarmaıy — 146 teńge, AI-95 – 159 teńge.

Eń joǵary baǵa «Gazprom neft — Kazahstan» janarmaı beketterinde: AI-92 – 147 teńge, dızel janarmaıy – 147 teńge, AI-95 – 168 teńge.

Energetıka mınıstrligi de bul máselege qatysty tushymdy jaýap bermeı otyr. Olar benzın baǵasyn qadaǵalaý bizdiń jumys emes dep qysqa qaıyrdy.

Desede ekonomıser baǵanyń bulaı qubylýyn jańa jyldan bastap engiziletin jańashyldyqtarmen baılanystyryp otyr. Qańtardan bastap janarmaı beketteri arnaıy esepteýish quralyn ornatýǵa mindettelmek. Ol qansha benzın kelip qanshasy satylǵanyn sanap otyrady. Kóleńkeli bıznestiń aldyn alýǵa baǵyttalǵan qurylǵyny kásipkerler 5 mıllıon teńgege alýy tıis. Shyǵyn kólemin toltyratyn bir-aq jol bar. Ol árıne qara halyqtyń qaltasy.

Aıta ketsek, Almaty qalasy Qazaqstanda janarmaıdy eń kóp tutynatyn megapolıs bolyp tabylady.