Nartaı Dútbaev «memlekettik qupıany jarıa etkeni» jáne «qyzmet ókilettigin asyrǵany» úshin aıypty dep tanylyp, oǵan úkim shyqqan edi.
Ulttyq qaýipsizdik komıtetiniń buryńǵy basshysy Álnur MUSAEV osy iske qatysty juldyz.kz saıtynyń tilshisine óz pikirin bildirdi.
"Táýelsiz BAQ-tyń jýrnalıserine UQK-niń basshysy Kárim Másimovten suhbat alý qajet. Bastapqyda men «Dútbaev pen áriptesterime Nartaı Nurtaıulynyń isine qatysty suhbat bermeımin» dep sóz bergem. Endi sot úkim shyǵarǵannan keıin halyq shyndyqty bilý kerek. Dútbaev pen basqa da aıyptalýshylardyń kýáligine sáıkes jáne UQK-niń prokýratýraǵa daıarlaǵan aıyptaý qorytyndysy boıynsha, Nartaı Dútbaev UQK-niń «N» esimdi qyzmetkerimen birigip, 2002 jyly Áblázovty UQK-niń tyńshysy etýge ózderine tartqan. M. Áblázovtan UQK-men birlese jumys jasaımyn degen qolhat alyp, Sársenbaıuly, Tájın, Jaqıanov jáne basqa da QDT (DVK) basshylary men jaqtastarynyń ústinen «danos» jazdyrtyp alǵan. 2003 jyly Áblázovtyń ókinish bildirgenin kameraǵa jazyp alady. Áblázovty UQK-niń tyńshysy retinde jasalǵan is-qaǵaz óte qupıaly qujat bolyp tirkelgen. 2006 jyly Nartaı Dútbaev UQK-niń basshylyǵynan ketken kezde sol materıaldy ózimen birge alyp ketken. Bul, qupıalardy saqtaý týraly zań boıynsha, óreskel qylmys bolyp esepteledi. Dútbaev bul materıaldar arqyly M. Áblázovtan aqsha bopsalaǵan. Sonymen qatar, Dútbaev 2006 jyly A.Sársenbaıulynyń ólimine qatysty keıbir qyzmettik qujattardy belgisiz bir adamǵa bergen", - dep qoǵamǵa belgisiz qupıany ashyq aıtty.
