Din salasyndaǵy ózekti máselelerge baılanysty jýrnalıser arasynda úzdik shyǵarmalarǵa baıqaý jarıalandy, dep jazady Qamshy.kz aqparat agenttigi. Baıqaýdy Ulttyq jýrnalısik zertteý ortalyǵy Almaty qalasy Din isteri basqarmasynyń áleýmettik mańyzdy jobalary negizinde uıymdastyrdy.

Baıqaýǵa ál-Farabı atyndaǵy QazUÝ-dyń jýrnalısıka fakúlteti qoldaý tanytyp otyr. Baıqaý 2017 jyldyń 1 maýsymy men 1 qazany aralyǵynda uıymdastyrylady. Jeńimpazdardy marapattaý 18 qazan – QR Rýhanı kelisim kúni merekesi qarsańynda Almaty qalasynda ótedi.

Baıqaý júldesiniń jalpy qory – 1 000 000 teńge.

Baıqaýdyń maqsaty:

- Dinı senim bostandyǵyna baılanysty QR memlekettik saıasatyn, negizgi ustanǵan ustanymyn, saıasatyn túsindirý, qoǵam nazaryn din salasyndaǵy túrli máselelerge aýdarý;

- Ult múddesine nuqsan keltiretin túrli dinı teris aǵymdar men ekstremıstik toptarǵa qarsy kúresti kúsheıtýge úles qosý, jat pıǵyldy toptarǵa qarsy aqparattyq kampanıany qurý;

- Bolashaq urpaq boıyna ulttyq dil men dástúr jóninde tálim-tárbıeni sińirý;

Baıqaý nomınasıalary:

Dinı ekstrmemızmniń aldyn alýǵa baılanysty baıqaý kelesi nomınasıalar boıynsha júrgiziledi:

- Úzdik áleýmettik beınerolık;

- Úzdik tele baǵdarlama;

- Úzdik radıo baǵdarlama;

- Internet jelisindegi qazaq tilindegi eń úzdik materıal;

- Internet jelisindegi orys tilindegi eń úzdik materıal;

- Merzimdik basylymdardaǵy qazaq tilindegi eń úzdik maqala;

- Merzimdik basylymdardaǵy orys tilindegi eń úzdik maqala;

- Úzdik ınternet jeli;

- Áleýmettik jelilerdegi eń úzdik belsendi qoǵamdyq top;

- Eń belsendi bloger;

Baıqaý sharttary:

Almaty qalasynda tirkelgen BAQ-taǵy kez kelgen jýrnalıs qatysa alady. BAQ basshylyǵynyń ruqsaty talap etilmeıdi. Baıqaý eki tilde ótedi.

Baıqaýǵa 2017 jylǵy 1 maýsymnan bastap 1 qazan aralyǵynda jarıalanǵan materıaldar qabyldanady.

Basty qoıylatyn talap – Qazaqstannyń zaıyrly memlekettik qurylymyn qarapaıym ári uǵynyqty tilmen túsindirý, memlekettik saıasattyń zańnamalyq talaptaryn uǵyndyrý, dinı ekstremıstik aǵymdardy áshkereleý, dástúr men dinniń ózara baılanysyn jetkizý, dinı ekstremızmniń aldyn alý, teris dinı toptardyń ıdeologıasy men olardyń zıandyǵyn ashyp kórsetý.

Qandaıda bir dinı ustanymdy nemese dindi nasıhattaýǵa baǵyttalǵan materıaldar qabyldanbaıdy.

Baıqaýǵa qatysýshylar Uıymdastyrý komıtetine (Almaty qalasy, ál-Farabı dańǵyly, 71-úı, QazUÝ-dyń jýrnalısıka fakúlteti, №218 bólme, baılanys telefony: 87775654078) habarlasa alady.

Mynadaı qujattardy qosa jiberilýi tıis:

1) jýrnalıs týraly aqparat:

- avtor týraly maǵlumat /týǵan jeri, kúni, aıy, jyly, telefon;

- jumys isteıtin BAQ anyqtamasy.

2) baıqaý materıaly jarıalanǵan gazet-jýrnaldyń túpnusqasy, saıttaǵy materıal skrınshotpen jáne qaǵazdyq nusqasy, tele-radıo baǵdarlamalardyń DVD, CD formatyndaǵy dıskilerge jazylǵan nusqasy (qaǵazǵa túsirilgen nusqasymen birge).

Baıqaý kezeńderi:

Baıqaýǵa qatysýshylardan materıaldardy qabyldaý (1 qazanǵa deıin);

Materıaldardy saraptaý jáne jeńimpazdardy anyqtaý (1-10 qazan aralyǵy);

Baıqaý jeńimpazdaryn saltanatty marapattaý (Rýhanı kelisim kúni qarsańy).

Baıqaý jeńimpazdaryn marapattaý:

Baıqaýdy uıymdastyrý komıteti júrgizip, jeńimpazdardy 5 nemese 7 adamnan turatyn qazylar alqasy tańdaıdy. Alqa baıqaý marapaty bastalǵansha qupıa túrde saqtalady. Baıqaýǵa usynylǵan materıaldar qaıtarylmaıdy. Baıqaý jeńimpazdary arnaıy nomınasıalar boıynsha taǵaıyndalǵan aqshalaı júldelermen jáne arnaıy dıplomdarmen marapattalady.