«Qazgıdromet» ortalyǵynyń habarlaýynsha, Astanada búgin túnde jáne erteń tańerteń qatty naızaǵaı jarqyldap, burshaq jaýady, ońtústik-shyǵystan sekýndyna 15-20 metr ekpindi jel soǵady, sonymen qatar topyraq ústi 2 ° deıin qatqaq bolady. Bul jaıynda Qamshy.kz aqparat agenttigi habarlaıdy.
Qala kóshelerin, jeke turǵyn úı sektorlaryn jáne jerasty ótkelderin sý basýy yqtımal. Sonymen qatar jeldiń qatty soǵýynan aǵashtar qulaýy múmkin. Sol sebepti shahardyń komýnaldyq qyzmeti kúsheıtilgen rejımde jumys isteıdi dep habarlaıdy qala ákimdiginiń resmı ınternet-resýrsy.
Astana basshylyǵy qala qonaqtary men turǵyndaryn jyly kıinip, barynsha qaýipsizdik sharalaryn saqtaýdy jáne qandaı da bir tótenshe jaǵdaı oryn alsa, 109 biryńǵaı qalalyq qyzmetine habarlaýdy suraıdy.
Budan bólek, joldarda keptelister bolady dep boljanýda. Júrgizýshilerge kóliktik kollapsqa tap bolmaýy úshin qala ishindegi saparlaryn aldyn ala boljaǵan abzal.
