Búginde psıholog mamandar adamdardyń minez-qulqyn anyqtaýdyń túrli tásilderin oılap-tapqan. Solardyń biri - adamnyń uıqy kezindegi dene qalpyna qarap, onyń qandaı ekenin anyqtaý.
Sonymen, uıqydaǵy deneńizdiń kúıi siz týraly qandaı málimet beredi?
1.Eger uıyqtaǵan kezde tizeńizdi búgip jatsańyz, onda siz birqalypty, senim artýǵa bolatyn, eshkimge kek saqtamaıtyn jansyz. Kez kelgen ortada ózińizdi jaıly sezinesiz jáne adamdarmen tez til tabysasyz.
2.Búk túsip uıyqtasańyz, únemi jaqyndaryńyzdyń demeýine, moraldy qoldaýyna muqtajsyz. Óte sezimtal jansyz. Keıde, tipti, kóz jasyna erik beresiz. Osylaısha, búk túsip uıyqtaǵan kezde siz syrtqy ortanyń jaǵymsyz áserlerinen qorǵanǵandaı bolasyz. Óz shyǵarmashylyǵyńyzdyń shyńdalýyna jol ashyńyz: qolyńyzdan keletin súıikti ispen shuǵyldanǵanyńyz jón. Mysaly sýret salyńyz, bı úıirmesine qatysyńyz. Eger de sizdiń jaryńyz da osy keıipte uıyqtasa, ony mazalap, «mıyn ashyta» bermeńiz.
3.Kóshbasshylar ádette aıaq-qoldaryn erkin sermep jatady. Mundaı adamdar ımpúlsıvti bolyp keledi. Olar jumysta da, otbasynda da tártip ornatyp, bárin qadaǵalap júredi. Aldyn ala daıyndalyp, aldaǵy kúnderine jospar quryp, dittegen maqsattaryna ońaı jetedi. Tyńǵylyqtyǵy men qaıtpastyǵyna qaraı bul toptaǵy adamdar kez kelgen ómir asýlaryn da ońaı baǵyndyrady.
4. Únemi shalqasynan uıyqtaǵandy pozıtıvti, kóńildi adamdar unatady. Siz jurt nazaryn ózińizge aýdartyp, shýly kezdesýlerdiń ortasynda júrgendi qalaısyz. Jumysta eńbekqorsyz, birbetkeı jáne shyndyqty betke aıtqandy unatasyz. Otbasynda da, jumysta da kóshbasshysyz. Bar nazar tek qana ózińizde. Bul keıipte kóbine er adamdar uıyqtaıdy.
5.Qaraýylda turǵan kúzetshi sekildi uıyqtasańyz, ómirdegi maqsaty aıqyn jáne sol maqsatyna ańdap basyp, asyqpaı jetetin jansyz.Siz qatalsyz jáne aınalańyzdaǵy adamdarǵa da qataldyq tanytasyz. Biraq kóp jaǵdaıda ózińizge tym kóp jaýapkershilik alasyz.
6.Tyrna sıaqty uıyqtaısyz ba? Sizden bárin kútýge bolady degen sóz. Minezińiz qubylyp turatyndyqtan, jaqyndaryńyz ben aınalańyzdaǵy adamdardy tań qaldyryp, tamsandyrasyz. Jymıyp turyp, aıqaıǵa lezde basýyńyz ábden múmkin. Kóp jaǵdaıda belgili bir tańdaý jasaǵan kezde kóp kidirip, qınalasyz. Ómirde de, qyzmette de turaqtylyq pen tynyshtyqty, yqtıattylyqty qalaısyz.
