Almaty qalasy Tilderdi damytý basqarmasy Elbasynyń «Rýhanı jańǵyrý» baǵdarlamasy aıasynda «Abaı oqýlary» atty qalalyq baıqaý ótkizdi. Qazaq qaty­nas joldary ýnıversıteti­niń májilis zalynda ótken óner saıysynda kórkemsóz oqý jáne án aıtý sheberligin qatar ıgergen 18–25 jas ara­lyǵyndaǵy Qazaqstannyń túrli etnos ókilderi ózara baq synasty. Baıqaý qazaq tiliniń aıasyn keńeıtý, mem­leket­tik til saıasatyn nasıhattaý, Abaı shyǵarmashylyǵyn nası­hattaý arqyly qoǵamdyq kelisim men qazaq­standyq rýhanı birlikti nyǵaıtý jáne otan­súıgishtik sezimdi tárbıeleý, sondaı-aq, kópshiliktiń qazaqtyń ulttyq mádenıeti men ónerine, ádebıeti men tiline degen yqylasyn arttyrý, jastar arasynda kitap oqý mádenıetin damytý maqsatyn kózdedi.

Óner saıysy «Óleń sózdiń pat­shasy…», «Qazaqta qarasózge des ber­medim…», «Qu­laqtan kirip, boıdy alar…» atty 3 kezeń  boıynsha ótki­zildi. Baıqaýdyń alǵashqy kezeńinde qatysýshylar Abaıdyń bilim, ǵylym jáne óner taqyryptaryna órilgen poezıalyq shyǵarmasyn nemese qara sózin jatqa mánerlep oqysa, ekinshi kezeńde «Abaı joly» romanynan úzindini kórkem sheberlikpen jatqa oryndady. Al saıystyń sońǵy keze­ńindegi qatysýshylardyń  oryn­daýyn­daǵy Abaıdyń ádemi ánderi kórermen janyn terbep, júrek qylyn qozǵady.

Qalalyq baıqaýdyń qazylar alqasy­nyń quramynda bolǵan halyq­aralyq «Abaı» qorynyń dırektory Jumabek Ashýuly memlekettik tildiń aıasyn keńeı­týde ózge ult ókilderi arasynda Abaı oqýlaryn ótkizýdiń mańyzdylyǵyn atap ótse, qazylar alqasynyń taǵy bir múshesi M.Áýezov atyndaǵy Ádebıet jáne óner ınstı­týtynyń bólim meńgerýshisi, fılolo­gıa ǵylymynyń doktory, profesor Serikqazy Qorabaı «Abaı oqý­lary» qalalyq baıqaýynyń órisi keńeıip kele jatqanyn aıtty.

– Jyl saıyn «Abaı oqýlary» qalalyq baıqaýynyń órisi keńeıip, sapasy artyp keledi. Qatysýshylar ómiri ónegege aınal­ǵan Abaı mura­la­rynyń mán-maǵynasyn, tereń taǵyly­myn jetkize biletin­digimen kózge tústi. Óner saıysynda eli­mizde qazaq tilin emin-erkin meń­gergen ózge ult ókilde­riniń kóbeıip kele jatqanyna kóz jetki­zemiz. Jas urpaqqa taǵylymdy tárbıe berýde bul óner saıysynyń mańy­zy zor, – dedi Serikqazy Qorabaı.

Úmitkerlerdiń ónerin baǵalaý kezinde olardyń kórkem mátindi tańdaý talǵamyna jáne oqý sheber­ligine, qazaq tiliniń orfo­epıalyq normala­ryn saqtap sóıleýine, án oryndaý naqy­shyna, sahnalyq óner kórsetý máde­nıe­tine jáne qazaqtyń ulttyq kıim úlgisine nazar aýda­ryldy.

Abaıdyń tuńǵıyq álemine úńildir­gen baıqaýda QazMQPÝ-diń fılo­logıa fakýl­tetiniń stýdenti Týrsýnoı Alıeva birinshi oryn ıegeri atandy. Halyqaralyq qazaq-qytaı tili kol­led­jiniń stýdenti Lúbomıla Moıseen­ko ekinshi orynǵa qol jetkizse, úshinshi oryn Qazaq memlekettik qyzdar peda­gogıkalyq ýnıversıtetiniń stýdenti Tahmına Tohtarjanovaǵa buıyr­dy. Saıys sońynda birinshi, ekinshi, úshinshi júldeli oryn ıegerleri tıisti dáreje­degi dıplomdarmen jáne baǵaly syı­lyqtarmen mara­pattaldy, qatysý­shylarǵa Alǵys hattar men estelik syılyqtar tapsyryldy.

– Kemeńger Abaı máńgilik mura­larymen adamzat balasyn danalyq nárimen sýsyndatatyn zańǵar tulǵa. Ult ustazynyń baǵa jetpes danalyq­tyń tereńine úńil­diretin taǵylymdy týyn­dylary adamnyń júregin máńgi nurlandyryp turady. Uly Abaı ýaqyt­pen birge bıikteı beretin asqaq tulǵa, – dedi Halyq­aralyq qazaq-qytaı tili kolled­jiniń 2-kýrs stýdenti Vera Kım.