Roıal Stok Ýnıversıteti aýrýhanasynda jumys isteıtin medbıkeler jazylmaıtyn dertke shaldyqqandarǵa kútim jasap, qaraılasady. Medbıkeler ajal aýzyndaǵy emdelýshileriniń ne týraly oılaıtyndaryn aıtyp berdi. Bul týraly Vestı.rý jazady.

Zertteýlerge qaraǵanda, ajal aýzyndaǵy adamdardyń kópshiligi  ólimdi ózderiniń týystaryna qaraǵanda   pozıtıvti qabyldaıdy. Al, medbıkeler áńgimesi  osy tájirıbeni dáleldeı túsedi.

Qyzmetshilerdiń aıtýlaryna qaraǵanda, olar endi ólimnen qatty qoryqpaıdy.

Ólim aýzynda jatqan adamdar túrli nárse týraly oılaıdy.

Keıbireýler otbasyndaǵy jaqyn adamnyń kelýin suraıdy, keıbiri mysyq/ıtin ákelýin suraıdy. Al endi bireýler bir shynaıaq sháı nemese alkogóldi sýsyn ishýdi qalaıdy eken.

Adamdardyń kópshiligi qatty alańdaýshylyq sezimde bolady, osy sezimdi tejeý úshin otbasymen sóılesedi nemese duǵada bolady.

Medbıkelerdiń biri, aýrýhanaǵa jazylmaıtyn dertke shaldyqqan erli-zaıyptylar kelgenin aıtady. Olar ózderi jatqan 2 tósekti bir-birine jaqyndatýdy surap, qol ustasyp jatqylary keletinin aıtqan. Áıeli men kúıeýi ózderiniń súıikti ánderin aıtyp, qol ustasyp jatqan. Arada 10 kún ótken soń ekeýi de kóz jumǵan.

«Ólim aýzynda jatqandardyń qandaı da bir ókinishi bola ma?» degen suraqqa medbıkelerdiń biri:

«Bir er adam ómirdiń qamshynyń sabyndaı qysqa ekenin aıtyp, aınalasyndaǵylardy ózderin baqytty etetin nárselerdi jasaýǵa shaqyrǵan. Al keıbir adamdar óte kóp jumys istegenderi úshin,  jumysbasty bolyp júrip óz qalaýyndaǵy zattardy jasamaǵandaryna, densaýlyqtaryn qurtqandaryna ókinetinderin jetkizdi».

Aýrýhana qyzmetkerleri aadamdardy ólimnen qoryqpaýǵa shaqyrady. Olardyń aıtýynsha, emdelýshilerdiń kópshiligi ajal aýzynda jatyp keremet jaryqty kórgen, keıbiri ózderiniń áldeqashan ómirden ozǵan jaqyndarymen sóılesken. Bul-ár adamnyń ólimi dara bolatynyn bildiredi.

Ólim kópshilik oılaǵandaı qatty qorqynyshty nárse emes deıdi qyzmetkerler. Ómiriniń sanaýly saǵattary qalǵan adam qatty azapsyz, aýyrmaı jan tapsyrsa, jaqyndarymen sóılesip jany tynyshtyq tabady.