Siz ben biz bar bul qoǵamda qashanda qozǵaýshy kúsh jastar bolmaq. Al, jastarǵa jaǵdaı jasaý, olarǵa únemi kóńil bólý – kezek kúttirmeıtin másele.  Qaı kezde de memleket jastarǵa barlyq máselede qoldaý bildirip, múmkindikter jasap kelýde. Jastar uıymdary men qurylymdary da molynan. Sonymen qosa, zaman aǵymyna oraı olarǵa mádenı demalys oryndarynyń da qajet ekendigi baıqalýda.  Osy jyldyń qyrkúıek aıynda Almatynyń Alataý aýdanynda "Rýhanı jańǵyrý" baǵdarlamasy aıasynda jastarmen jumys isteıtin Almaty Zhastary ortalyǵy ashylǵan bolatyn.  Almaty qalasy Ákimdigi Jastar saıasaty máseleleri jónindegi basqarmasynyń qoldaýymen  «Áleýmettik mańyzy bar jobalardy iske asyrý ortalyǵy» QQ aıasynda qurylyp otyr.  Negizinen, Almaty qalasynyń ákimi Baýyrjan Qydyrǵalıuly Baıbek 2017 jyldy «Jastar jyly» dep jarıalaǵan bolatyn. Ol, Memleket basshysynyń tapsyrmasy boıynsha jastarǵa qoldaý kórsetý jáne olardyń ıntellektýaldy jáne kásibı biliktiligin damytý maqsaty aıasynda edi.

Atalǵan jastarǵa qyzmet kórsetý ortalyǵy  jastardyń jumysqa ornalasýyna, kásiptik baǵdar alýǵa, jastar arasynda kásipkerlikti jandandyrýǵa baǵyttalǵan. Máselen, «Damý» kásipkerlikti qoldaý qory, Turǵynúıqurylysjınaqbanki, Jumyspen qamtý ortalyǵy, «Atameken» UKP syndy mekeme  qyzmetterkerlerinen arnaıy konsýltasıalar jáne  quqyqtyq men psıhologıalyq kómek ala alady.

Ortalyq maqsaty - Alataý jastaryn shyǵarmashylyqqa, salaýatty ómir saltyna, kásipkerlikke baýlý. Oǵan qosa, jas urpaqtyń rýhanı damýy úshin jastardyń álemdik jáne ulttyq  mádenıet  qundylyqtaryna, shet tilderine, ónerge, ádebıetke, dástúrlerge qatysýyna jaǵdaı jasaý úshin kóptegen is-sharalar  ótkizip júr.

Atalmysh ortalyqtyń jetekshisi Berik Qalıjanulynyń aıtýynsha, «bizdiń ortalyq eń bastysy, jastardyń bos ýaqytyn tıimdi ótkizýge, olardyń jan-jaqty damýy úshin jumys istemek. Olardyń suranystaryna baılanysty, túrli sala mamandarymen trenıńter ótkizemiz. Sol arqyly tolyqqandy, bilimdi maman bolyp qalyptasýyna jol ashpaqshymyz. Shahmat, dombyra, aǵylshyn tili sekildi úıirmelerde turaqty jumys isteýde».

Ortalyq ishinde tegin birneshe úıirmeler jumys isteıdi. Máselen, aǵylshyn tili kýrsy, dombyra, shahmat sekildi úıirmeler, grafık boıynsha turaqty júrgiziledi. Osyǵan qatysýshy jastar da, oń baǵasyn berýde.       

 «Sabaqtan bos ýaqytymdy osy ortalyqta ótkizý ádetime aınaldy. Úıirmelerdiń barlyǵyna qatysyp júrmin. Ortalyq ishindegi «keńes berý aýmaǵy» bóliminen, mamandardan keńes alyp, ol da óz kezeginde qajetime jarap júr. Munda ótetin trenıńterge qatysý arqyly, bilimim, qala berdi tanymym keńeıe túsýde. Osyndaı jastar ortalyqtar kóp jas býynǵa oń joldy silteı bersin deımin» deıdi – Anel Aıan esimdi boıjetken.                                                                                                                                                                                                                                                                                                                                    Ár túrli memlekettik baǵdarlamalardy túsindirý, odan ózge de baǵdarlamalar boıynsha  aqparattyq málimet boıynsha qyzmet kórsetedi. Al, ortalyq ishindegi shyǵarmashylyq sheberhana alańy shaǵyn kitaphanamen, mýzykalyq quraldarmen jabdyqtalǵan. Intellektýaldy jáne shyǵarmashylyq kezdesýler, vorkshop, koýchıng, t.b. uıymdastyrýǵa baǵyttalǵan.  Munda bolashaqta jastarǵa paıdaly, qyzyqty, ári jastar qoǵamyndaǵy ózekti máseleler aıasynda semınar-trenıngter men túrli sharalar ótkizilip júr. Aıtalyq, qazan aıynda, «mamandyq tańdaý jáne jaqsy maman bolý joldary» taqyrybynda jýrnalıs Beısen Quranbektiń sheberlik saǵaty ótti. «Daýys qoıý jattyǵýlary» taqyrybynda, arnaıy mamannyń jattyǵý saǵaty ótti. Munan ózge, túrli paıdaly sharalar kún saıyn ótedi. Áleýmettik jelidegi ortalyqtyń paraqshasy arqyly ony aldyn-ala bilýge bolady.  Jastarmen jumys jasaý ortalyǵy jastardy tek belsendi ómirdiń baǵyty men baǵdaryn ǵana jol siltep qana qoımaı, elimizdiń erteńine belsendi qyzmet atqaratyn tulǵalar qalyptastyrýyna da  jumys jasaı bermek.

Ortalyqta osy ýaqyt ýaqyt aralyǵynda, ánshi, sazger Óktem Altaev, jýrnalıs Beısen Quranbek, ánshi Jubanysh Jeksenuly,  EDTECH-KZ halyqaralyq bilim ortalyǵynyń bas dırektory Ǵanı Beısembaev taǵy da ózge el azamattary qonaq boldy.

 Sonymen qatar, ortalyq qyzmetkerleri qaladaǵy turǵyn úılerdi aralap, ortalyqqa shaqyrý jumystarynyń júrgizilgeniniń arqasynda, ortalyqty bilýshiler men  qyzmetin qoldanýshylar sany artqan. Ortalyq tek Alataý aýdanynyń jastaryna emes, sondaı-aq Jetisý men Áýezov aýdandarynyń jastaryna da qyzmet kórsetpek. Almaty qalasyndaǵy ózge de jastar ortalyqtarymen birlesip, jastar forýmdaryn ótkizýde josparda bar.

Jańa zaman jastarynyń jańa talaptaryn oryndaý ýaqyt aǵymyna oraı oryndy is bolyp otyr.  Sondyqtan, eldiń búgini de erteńi de bolatyn jastar qaýymyna jaǵdaı jasala bersin. Al, jastar úmitti aqtaı bersin!

 Osyndaǵy jastar úshin bul ortalyqta jaqsy jaǵdaı jasalǵan. Sport, óner, mádenıet, ǵylym sekildi salalarǵa qatysty dúnıelerdi de osy jerden tabýǵa bolady eken. Ortalyqty aralap shyqqanda osyǵan kóz jetkizdim. Shyn máninde, jastarǵa mádenı demalys oryndarynyń bolǵandyǵyn óz basym qos-qoldap qoldaımyn.

Óktem Altaev, ánshi, sazger

Mundaı ortalyqtar sırek ekendigi daý týdyrmaıdy. Qala ishinen qosylyp jatqan jańa aýdandar kóp. Al, bul dál sondaı jańa aýmaqta ashylǵan eken. Ol jerde kóp bóligi jas otbasylar ekenin eskersek,  bul óte tıimdi ashylǵan ortalyq. Ǵylym-bilimge, rýhanı damýǵa shaqyratyn ortalyqtardyń kóp bolýy óte mańyzdy. Ortalyq ishindegi úıirmeler, shyǵarmashylyq uıymdary da naǵyz qajetti dúnıeler.  Árdaıym tabysty jumys isteýine tilektespiz.

 Juldyz Ábdilda, jýrnalıs   

Alataý aýdandyq #Almatyzhastary shaǵyn áleýmettik ortalyǵy ishindegi «Tasqyn» shyǵarmashylyq ortalyǵy qazaq jastaryna jetpeı jatqan rýhanı kem-ketiktiń ornyn toltyrady dep oılaımyn. Osyndaı ortalyqtar jumys istese, «balam nege ózgerdi?» demes edik. «Tasqynnyń» eleń-alań bop júrgen jasóspirimder men jastardyń betin beri qaratatyndaı ortalyq bolýyna tilektespin!  Bala qandaı ortada júrse, sondaı bolady. Óıtkeni, ol ortaq til tabysý úshin de sol ortaǵa beıimdeledi. Jastardyń patrıot bolyp ósýine ortanyń  yqpaly orasan zor bolǵandyqtan, osyndaı ortalyqtar kóbeıe berse eken deımin.

 Jadyra Narmahanova  «Ulan» gazetiniń shef-redaktory