Qyrǵyzstannyń prezıdenttiginen ketýge daıyndalyp jatqan Almazbek Atambaev óziniń qorytyndy baspasóz máslıhaty kezinde renjitip alǵandardyń barlyǵynan keshirim surady, - dep habarlaıdy Qamshy.kz aqparat agenttigi tengrinews.kz-ke silteme jasap.  

Ol eldiń kelesi basshysy ustamdyraq bolady dep úmit bildirdi. 

"Qurmetti jýrnalıser, eger qatty ketip jatsam, sizdermen ǵana emes. Keıde qatty aıtyp jiberetinim bar. Eger de bireýdiń kóńiline tıgen bolsam, meniki durys bolsa da, báribir keshirim etýlerińizdi suraımyn", - deıdi Atambaev. 

"Meniń oıymsha, bizdiń kelesi prezıdentterimiz ustamdyraq bolady degen úmittemin. Sońǵy alty jyl tym aýyr boldy, júıkemiz de temirden emes", - dep atap ótti ol. 

Búgin, 2017 jyldyń 20 qarashasynda Májilis spıkeri Nurlan Nyǵmatýlın Almazbek Atambaevtyń málimdemesine qatysty pikir bildirgen edi. "Nursultan Ábishuly Memleket basshysy retinde Qyrǵyzstan halqyn únemi qoldap, kómektesip keledi. Qyrǵyzstan halqynyń da Qazaqstan basshysyna alǵys bildiretinin bilemin. Sondyqtan da Atambaevtyń osy aıtyp jatqany "bos sóz", popýlısik jáne jaýapsyz málimdemeleri bizdiń halyqtardyń baýyrlastyq qarym-qatynasyna eshqashan da esh zalalyn tıgize almaıdy, - dedi Májilis spıkeri Nurlan Nyǵmatýlın.

Sondaı-aq, ol Atambaevtyń Qyrǵyzstan prezıdenti bolǵan kezdegi jumysyna qatysty oıyn aıtty.

"Atambaevtyń ózi jaıly aıtatyn bolsaq, onyń osy prezıdenttik jyldar boıy ne ekonomıkada, ne saıasatta birde-birde nátıje kórsetpegenin barlyǵy da biledi. Al qyzmetinen keter kezde tipti saıası jáne ishki mádenıettiń joqtyǵyn kórsetti", - dedi Nurlan Nyǵmatýlın. 

Munyń aldynda Atambaev óziniń sońǵy issaparynda Qazaqstanmen qarym-qatynasyn aıtyp, Pýtınge shaǵymdanǵan bolatyn. "Ózderińiz biletin bolarsyzdar, jaqynda men Reseı prezıdenti Vladımır Vladımırovıch Pýtınmen kezdestim. Oǵan ashyq túrde "sizderge Eýrazıalyq ekonomıkalyq odaq kerek bolsa, ony buzyp jatqandardyń isine aralaspaı osylaı otyra berýge bolmaıdy" dep aıttym", - dedi Qyrǵyzstan prezıdenti eki el arasyndaǵy yntymaqtastyqty retteý týraly suraqtarǵa jaýap bere otyryp.