QR Táýelsizdigi kúnine oraı «Qazaqstan» Ulttyq telearnasynyń arnaıy daıyndaǵan telejobalarynyń tanystyrylymy ótti. Sharanyń basty maqsaty - televızıalyq baǵdarlamalar arqyly elimizdiń eń bir qasıetti merekesi Táýelsizdik kúniniń mańyzdylyǵyn arttyrý jáne qazaqstandyqtardy sońǵy jyldary elimizdiń jetken jetistikterimen keńinen tanystyrý, dep habarlaıdy qamshy.kz aqparat agenttigi.

«Qazaqstan» Ulttyq telearnasynyń tapsyrysymen daıyndalǵan, elimizdiń qaýipsizdigin qamtamasyz etetin arnaıy qyzmet qurylymdarynyń jankeshti eńbegin sıpattaıtyn «Teketires» atty 4 bólimnen turatyn televızıalyq kórkem telehıkaıa usynylady. Qazaqstan Respýblıkasy Ulttyq Qaýipsizdik Komıtetiniń 25 jyldyǵyna oraı arnaıy túsirilgen týyndy 18-19 jeltoqsan kúnderi saǵat 13:15-te 2 bólimnen qatar kórsetiletin bolady.