Ulybrıtanıada shamamen 100 myń seks-qyzmetkerler jumys isteıdi jáne onyń 20%-y er adamdar. Keıbiri bul qyzmettke óz erkimen kelse, endi bireýler úshin bul jalǵyz kún kóris pen aqsha tabý tásili.

BBC agenttigi osyndaı jezókshelikpen aınalysatyn  er adamdardyń ómiri men qyzmeti týraly jazady.

Denıel 10 jyl buryn ýnıversıtetin tastap, jezókshilikpen aınalysa bastaǵan.  Endi mine bul onyń negizigi tabys kózine aınalǵan.

"Kóbinese, jalǵyz basty er adamdarǵa qyzmet kórsetemin, olardyń arasynda istep júrgenin jasyrǵysy keletin otbasyly er adamdar da bar"-dedıi ol.

Denıeldiń aıtýynsha, onyń klıentteri kópshiligi 35 pen 85 jas aralyǵyndaǵy adamdar. Onyń qyzmet kórsetý tizimderine massaj, jynystyq qatynas pen bir túndi birge ótkizý kiredi. Óz qyzmetterin ol ınternet jáne arnaıy baǵdarlamalar arqyly jarnamalaıdy.

Shyndyǵyna kelgende, Denıeldiń jumysy zańdy bolyp esepteledi eken. Anglıa, Shotlandıa, Ýelste jynystyq qatynas óz erkinen tys bolsa ǵana zańsyz bolyp tabylady. Sonymen birge, kóshede ózin satý men jezókshelikpen aınalysatyn arnaıy uıymdar qurý zańsyz bolyp esepteledi.

Jezókshelikpen aınalysatyn 80%  er adam ózderiniń qyzmetterin ınternet arqyly jarnamalaıdy. Denıel úshin de bul tásil eń tıimdi bolyp tabylady.

Er adamdarǵa osyndaı jaǵdaılarda qoldaý kórsetetin jáne qaýipsizdikterine járdem beretin arnaıy uıymnyń qyzmetkeri Heılı Spıdtiń aıtýy boıynsha, seks-qyzmetkerlerdiń kópshiligi józekshelikpen 14-15 jastan bastap aınalysa bastaǵan.

«Bul salada balalardy da, eresekterdi de óz erkinen tys jezókshelikpen aınalysýǵa ıtermeleıdi. Alaıda bul seks-qyzmet emes, balalardy ekplýatasıalaý».

Beyond the Gaze uıymy júrgizgen saýalnama nátıjesi boıynsha, seks-ındýstrıa salasynda jumys isteıtin er adam dardyń 12%-y sońǵy bes jylda zorlyqqa ushyraǵan. Jáne olardyń 70%-y bolǵan jaǵdaı týraly polısıaǵa habarlamaǵan.

Al, Taıler esimdi jigit bul qyzmetke aıaq asty tap bolǵan. Onyń ata-anasy uldarynyń geı ekenin bilgen soń, odan bas tartqan. Amaly taýsylǵan ol óz týǵan jerin tastap, úısiz, aqshasyz qalǵan. Arada bir apta ótkens soń jezókshelikpen aınalysyp ketken. «Bári kúnine bir-eki adam qabyldaǵannan bastaldy»-deıdi Taıler.

Keıde klıentter tólegisi kelmeı meni kólikke qamap qoıǵan kezder de bolǵan deıdi jigit. Tipti qonaqúılerdiń birinde ony zorlap ta ketken eken. «Men kelgende onda bir ǵana adam bolǵan. Alaıda ol meniń sýsynyma áldene septi, men esimnen tanyp qaldym. Esimdi jıǵanda qasymda  tórt erkek boldy»-deıdi ol.

   Qazir Taılerdiń jańa jumysy bar. Alaıda ol jezókshelikpen aınalysýdy áli de tastamaǵan.

Qazirgi kezde jezókshelikpen aınalysatyn er adamdardyń zorlyqqa ushyraýy máselesine baılanysty arnaıy qor men uıymdar aınalysyp, olardyń quqyqtaryn qorǵaıdy eken.