Ulybrıtanıada aǵza almastyrý operasıasy kezinde dáriger naýqastyń baýyryna lazer arqyly aty-jóniniń bas áripterin qaldyrǵan dep jazady Qamshy.kz aqparat agenttigi life.ru-ǵa silteme jasaı otyryp.
Baýyr almastyrý operasıasy kezinde dáriger qan toqtatatyn arnaıy lazer arqyly qos naýqastyń baýyryna óziniń aty-jóniniń bas áripterin qaldyrǵan. Naýqastardyń ekeýi de ol kezde anestezıa áserinde bolǵan. Qaldyrylǵan qoltańbalar adam úshin zıansyz ári ýaqyt kele joǵalyp ketýi tıis edi. Alaıda bulaı bolmaǵan, naýqastar ekinshi ret tekserýge kelgende shyndyqtyń beti ashylypty.
Qazirgi ýaqytta dárigerge qatysty sot isi bastaldy. Bırmıngemdegi sot otyrysy kezinde 53 jastaǵy Saımon Bremholl qos jaǵdaıǵa qatysty ózin kináli dep tapty, biraq japa shegýshiniń denesine zaqym keltirip, jábir kórsetti degen aıypty moıyndaýdan bas tartty.
Medısınalyq qyzmetkerke qatysty sot úkimi 12 qańtarda shyǵady. Tergeý jáne sot isi aıaqtalǵanǵa deıin Bremholl kepilmen erkindikte qalady. Al aýrýhanadan ol bul jaıttyń beti ashylǵannan keıin dereý qýyldy.
