«Samuryq-Qazyna» qory transformasıasynyń jumysshylardy qysqartýǵa esh qatysy joq. Bul týraly qor basshysy Ómirzaq Shókeev aıtty, dep habarlaıdy Qamshy.kz aqparat agenttigi.
«Samuryq-Qazyna» qory men portfeldi kompanıalardyń qyzmetkerleri, parlament depýtattary, memlekettik organdar ókilderi men qoǵam qaıratkerleri Astanada jınalyp, ulttyq holdıgtiń qundylyqtary men damý josparyn talqylady.
Qordyń basqarma tóraǵasynyń málimdeýi boıynsha, aldaǵy bes jylda qor kompanıalarynyń qarqyndy damýy úshin korporotıvti mádenıetke asa kóńil bólý kerek. Sebebi bul kórsetkish ompanıanyń naqty qunyna áser etýi múmkin.
«Bizdiń kompanıalar, naryqqa shyqqaly jatyr. Árıne, bir,bir jarym jyldyń ishinde, IPO-ǵa shyqqansha, bizdiń óndiristik kórsetkishterimizde, tehnologıalarymyzda asa ózgerister bolmaıtyn da shyǵar, biraq kompanıa qunynyń ósýin mádenı ózgerister tarapynan arttyrýymyzǵa bolady. Transformasıa kompanıalardyń ishki qurylymyn ózgertýge baǵyttalǵan. IPO-nyń aldynda kompanıa qunyn baǵalaý kezinde ınvestorlar kompanıanyń ishki qurylymyna , korporatıvtik mádenıetine de qaraıdy. Sonymen qatar korporatıvtik mádenıet kompanıanyń qunyna áser etedi»,- dep túsindirdi Shókeev.
Qor basshylary toptyń jańa korporotıvtik mádenıetiniń negizgi qundylyǵy - seriktestik ekenin atap kórsetti. Bul aspekt portfeldik kompanıalardyń ózara qarym-qatynasymen qatar qor aksıonerleri bolyp tabylatyn – Úkimetke de qatysty.
«Seriktes retinde memlekettik organdar bizdiń qorda bolyp jatqan ózgeristerge zor qyzyǵýshylyq tanytatynyn jáne ıgi ózgeristerge umtylatynyn atap aıtqym keledi. Qor da ózgerý ıdeologıasynyń syrtqa taraǵanyna, sonyń ishinde úkimet pen memlekettik organdarǵa taraýyna múddeli. Úzdiksiz ózgerý fılosofıasy barlyǵyna daryǵanyn qalaımyz», - dep málimdedi «Samruq-Qazyna» AQ atqarýshy dırektory Nurlan Rahmetov.
Sonymen qatar, qordyń basqarma tóraǵasy transformasıa jumys ornyn qysqartýdy bildirmeıtinin atap ótti.
«Transformasıanyń jumysshy sanyn qysqartýǵa esh qatysy joq. Transformasıa menedjmentke degen talapty kúsheıtedi. Mysaly biz 1600 laýazymdy iriktep aldyq, osy laýazymdarmen jumys jasaımyz. Qatardaǵy jumysshylarǵa keler bolsaq, olardyń básekege qabilettilikterine esh kúmánimiz joq», - dep málimdedi Shúkeev jýrnalıserdiń suraqtaryna jaýap berý barysynda.
Shúkeev qordyń barlyq qyzmetkerleri ortaq maqsat úshin jumys isteıtindigin aıtty. Ol - ekonomıkalyq tıimdilikti jáne eńbek ónimdiligin arttyrý. Sondaı-aq onyń sózinshe, mádenı kilt – bul jaı ǵana quziretter jıyntyǵy ǵana emes, bul únemi jaqsylyqqa, úzdik tájirıbege umtylys.
