AQSH-tyń memlekettik hatshysy Reks Tılerson Qazaqstandy Táýelsizdik kúnimen quttyqtap, bolashaqta jaqsy-qarym qatynasta bolýǵa nıetti ekendigin aıtty, dep jazady Qamshy.kz aqparat agenttigi. 

AQSH bıliginiń resmı saıtynda jarıalanǵan málimdemede: 

"AQSH basshylyǵynyń atynan barsha qazaqstandyqtardy osymen 26-shy ret toılanyp otyrǵan táýelsizdik merekesimen quttyqtaımyn.

Qazirgi tańda Qazaqstan men AQSH: ekonomıka, ǵylym, tehnologıa jáne energetıka salasyn damytýǵa birge at salysyp kele jatqan jaqyn seriktester. Qazaqstandy Astanadaǵy "EKSPO 2017" kórmesin sátti aıaqtaýymen de quttyqtap qoıǵymyz keledi. Bul kórme Qazaqstannyń álemdik energetıka salasyn damytýǵa úles qosqysy keletindigin kórsetti",-delingen.