Almatyda joǵary oqý oryndardyń birinde oqıtyn  jastaǵy stýdent Abzal Myrzash alǵashqy sesıasyn "óte jaqsy" tapsyryp, ustazdaryn tańǵaldyrdy dep habarlaıdy Qamshy.kz aqparat agenttigi sputniknews.kz caıtyna sileme jasaı otyryp. 

«Abzal barlyq pánnen eń joǵary bal aldy. Qazan aıynda alǵashqy attestasıa boldy, keıin ekinshi attestasıa, al qazir sesıa. Barlyq kezeńde ol eń joǵary bal jınady», — dedi Dáýrenbek Myrzashuly. 

Onyń aıtýynsha, uly alǵashqy emtıhan kezinde esh qobaljymaǵan, tipti synaqqa arnaıy daıyndalmapty da. 

«Bul oǵan esh qıyndyq týǵyzǵan joq, kerisinshe bári ońaı boldy. Stýdent kezimizde biz ár emtıhanǵa kúni-túni daıyndalatyn edik. Al ulym olaı emes – este saqtaý qabileti jaqsy, semestr boıy sabaqtan qalyp kórgen joq. Úı tapsyrmasymen ǵana shektelmeıdi, odan ári tereńirek izdenýge tyrysty. Sesıa oǵan qyzyq bolǵan sıaqty», — dep bólisti ulynyń jetistikterimen ákesi. 

Dáýrenbek Nysanov demalysta Abzaldyń qol qýsyryp otyrmaıtynyn jetkizdi. 

"Demalys kezinde bizge, ata-anasyna, baýyrlaryna aǵylshyn tilin úıretpekshi. Qazir Abzal Advanced – ıaǵnı, tildi erkin meńgerý, joǵary deńgeıge kóship jatyr. 20 jeltoqsannan bastap onyń oqýshylary bolamyz", — dep kúldi ákesi. 

Abzal Myrzash mektep baǵdarlamasyn nebári jeti jyl ishinde meńgerip, Qazaq-Brıtan tehnıkalyq ýnıversıtetine tústi. Endi ol joǵary oqý ornyn úsh jylda aıaqtap, sheteldik ýnıversıtetke magıstratýraǵa tapsyrýdy josparlap otyr.