Erteń, ıaǵnı 20 jeltoqsanda saǵat 10:00-de Almaty qalasynda Muhtar Áýezov atyndaǵy drama teatrynda qalalyq ákimdiktiń uıymdastyrýymen elimizge belgili akter Quman Tastanbekovpen qoshtasý rásimi ótedi, dep habarlaıdy Qamshy.kz aqparat agenttigi.
Birneshe kún buryn «Qyz Jibek» fılminde Tólegenniń rólin somdaǵan akter Quman Nurmaǵanuly Tastanbekov kóz jumǵan bolatyn.
Aıta keter bolsaq, Quman Tastanbekovtyń eń alǵash somdaǵan róli — Qyz Jibek fılmindegi Tólegen obrazy. Osy fılmnen keıin ol búkil qazaqqa Tólegen retinde tanymal boldy. Budan keıin de ol kóptegen fılmderge tústi jáne teatr sahnasynda da túrli obrazdardy somdady. Ol «Qazaqstan Lenın komsomoly» syılyǵynyń ıegeri atanyp, «Qurmet» ordenimen marapattalǵan.
