Almaty oblysynda soqqynyń astynda qalǵan zeınetkerdiń isine qatysty tergeý jumystary júrip jatyr. 67 jastaǵy Kegen aýylynyń turǵyny dárigerler kómegine júgindi. Medbıkeler soqqynyń saldarynan zeınetkerdiń mıy shaıqalǵanyn aıtty, dep jazady Qamshy.kz aqparat agenttigi.
Almaty oblysy İİD baspasóz qyzmetiniń habarlaýynsha, áıel soqqynyń qaıdan paıda bolǵanyn jasyrýǵa tyrysqan.
«Anyqtalǵandaı, egde áıeldi jaraqattaǵan onyń 1975 jylǵy týǵan uly bolyp shyqty. Er adamdy izdep taýyp, aýdandyq bólimshege apardy», - delingen habarlamada.
Polıseılerdiń málimdeýinshe, anasyn soqqyǵa alarda er adam mas kúıde bolǵan. Janjal barysynda ol anasynyń basyna kóseýdi laqtyryp jibergen.
Raıymbek aýdandyq ishki ister bólimi polıseıleri tergeý jumystaryn bastady. Kúdiktige qatysty «Sotqa kelý mindettemesi» prosesýaldyq májbúrleý sharasy qoldanylady.
