İshkeni aldynda, ishpegeni artynda, ne kıem, ne jeımin dep qam jemeıtin otbasylyq ómirdi kóbi ańsaıtyny ras. Shalqyp ómir súretin yqpaldy áýletter tizimin Qamshy.kz aqparat agenttigi oqyrman nazaryna usynady. Tizimdegi azamattardyń laýazymdy qyzmetke turýyna «kókeleri» kómektesti me, álde óz eńbekteriniń arqasynda tabysqa jetti me? Áıteýir elimizdi úrim-butaǵymen birge «basqaratyndar» kóp.

Nyǵmatýlınder otbasy:

Nyǵmatýlın Arǵyn Zaırollauly. 1955 jyly 28 maýsymda Qaraǵandy qalasynda dúnıege kelgen. Qaraǵandy polıtehnıkalyq ınstıtýtyn, E.A. Býketov atyndaǵy Qaraǵandy memlekettik ýnıversıtetin támamdaǵan. Tehnıka ǵylymdarynyń kandıdaty, Shyǵys Qazaqstan memlekettik ýnıversıtetiniń qurmetti profesory, Qazaqstan Respýblıkasy sportynyń qurmetti qaıratkeri.
«Qurmet» ordenimen, medaldarmen, Qazaqstan Respýblıkasy Prezıdentiniń jáne Qaraǵandy oblysy ákiminiń «Qurmet» gramotasymen marapattalǵan. 

Nyǵmatýlın Erlan Zaırollauly. 1962 jyly 31 tamyzda Qaraǵandy qalasynda týǵan. Qaraǵandy kooperatıvtik ınstıtýtyn ekonomıs, al Reseı-Qazaqstan Qazirgi zamanǵy Gýmanıtarlyq ýnıversıtetin zańger mamandyǵy boıynsha bitirgen. Ekonomıka ǵylymdarynyń kandıdaty. QR Parlamenti Májilisiniń II - III - IV shaqyrylymdarynyń depýtaty bolǵan. QR Parlamenti Májilisiniń III - IV shaqyrylymynda Ekologıa máseleleri jáne tabıǵat paıdalaný komıtetiniń Tóraǵasy bolyp saılanǵan. «Qurmet» (2006), TMD PAA «Dostastyq» (2008) ordenderin, bes medalmen, sonyń ishinde «Shapaǵat» (2001) medalimen marapattalǵan.

Nyǵmatýlın Nurlan Zaırollauly. 1962 jyly 31 tamyzda Qaraǵandy qalasynda týǵan. Memleket jáne qoǵam qaıratkeri. Saıası ǵylymdar doktory. QR Parlamenti Májilisiniń Tóraǵasy.

QR Tuńǵysh Prezıdenti Elbasy Nursultan Nazarbaev ordeninimen, II dárejeli «Barys» ordenimen, «Qurmet» ordenimen marapattalǵan.

Myrzahmetovter otbasy:

Myrzahmetov Asqar Isabekuly. 1962 jyly 1 qazanda Shymkent qalasynda dúnıege kelgen. Almaty zooveterınarlyq ınstıtýtynda, Búkilodaqtyq mal sharýashylyǵy ǵylymı-zertteý ınstıtýtynyń aspırantýrasynda, Qazaq menedjment jáne marketıń ınstıtýtynda bilim alǵan.

«Nur Otan» partıasy tórǵasynyń birinshi orynbasary, aýylsharýashylyǵy ǵylymdarynyń kandıdaty. 2009 jyly OQO-nyń ákimi bolyp taǵaıyndaldy. 2016 jyly 6 mamyrda QR Aýyl sharýashylyq mınıstri  bolyp, 2017 jyldyń 17 jeltoqsanynda bul qyzmetten bosady.

2018 jyldyń 18 qańtarynda Asqar Myrzahmetov Jambyl oblysynyń ákimi atandy.

«Qurmet» jáne «Dostyq» ordenimen, «QR Táýelsizdigine 20 jyl» medalimen marapattalǵan.

Myrzahmetov Abylaı Isabekuly. 1969 jyly OQO-da dúnıege kelgen. Lomonosov atyndaǵy Máskeý ýnıversıtetiniń ekonomıka fakúltetinde bilim alǵan. 47 jasynda «Konsern Altyn Alma» aksıonerlik qoǵamynyń qarjy dırektory bolyp taǵaıyndaldy. 2001-2002 jyldar aralyǵynda QR Kólik jáne komýnıkasıa mınıstri qyzmetin atqardy. Qazir Abylaı Myrzahmetov – Ulttyq kásipkerler palatasynyń basqarma tóraǵasy. Aıta keteıik, Abylaı Myrzahmetov Qazaqstandaǵy eń yqpaldy 50 bıznesmenniń tiziminde 26-orynda tur.

Mýsınder otbasy:

Mýsın Aslan Esbolaıuly. 1954 jyly 2 qańtarda Aqtóbe oblysy Alǵa aýdany Bestamaq aýylynda dúnıege kelgen. Almaty halyq sharýashylyǵy ınstıtýtyn ekonomıs mamandyǵy boıynsha bitirgen. Aıta ketetin bolsaq, ınstıtýtty bitirisimen Aqtóbe sanaq basqarmasynyń Esep ortalyǵynda óz mamandyǵy boıynsha túrli laýazymdy qyzmette jumys istegen. 2012 jyldan bastap Respýblıkalyq búdjettiń atqarylýyn baqylaý jónindegi esep komıtetiniń tóraǵasy bolyp taǵaıyndaldy. 2008-2012 jyldar aralyǵynda QR Prezıdenti ákimshiliginiń jetekshisi. Aslan Mýsın II jáne III dárejeli «Barys» ordenimen, «Qurmet», «Dostyq» ordenimen, «Astanaǵa 10 jyl» jáne «QR Táýelsizdigine 20 jyl» medaldarymen marapattalǵan.

Mýsın Asylbek Aslanuly. QR Prezıdenti ákimshiliginiń burynǵy basshysy Aslan Mýsınniń uly Asylbek Mýsın 1979 jyly dúnıege kelgen. Asylbek Mýsın AQSH-tyń Boston qalasyndaǵy Masachýsets ýnıversıtetine oqýǵa túsken. Alaıda ol oqý ornyn aıaqtamaı, tastap ketti. Ashyq derekkózderdiń aqparatyna súıensek, 2003-2005 jyldar aralyǵynda Sırıada dinı baǵytta bilim alǵan. Aǵylshyn, arab tilderinde erkin sóılegen.

Asylbek Mýsınniń dinı kózqarasyna baılanysty túrli pikir aıtylady. Ol Qazaqstandaǵy quranshylar aǵymynyń negizin qalaǵan desedi. Asylbek Mýsın 2007 jyldan bastap Qazaqstan quranshylarynyń «İzgi amal» qoǵamdyq birlestigin basqarǵan. Keıin bul uıym QMDB tarapynan synǵa ushyrap, dinı sekta retinde tanyldy. Bul uıymnyń jumysyn júrgizýge AQSH pen Ulybrıtanıadaǵy qarjylyq toptar demeýshilik jasady degen sybys bar. Asylbek Mýsın óziniń «Quranda namaz týraly sóz joq, namaz oqý paryz emes» degen sekildi ýaǵyzdarymen el esinde qaldy. Eske sala keteıik, jeltoqsannyń 23-nen 24-ne qaraǵan túni Asylbek Mýsın Rıgada qaza tapty.

Ábdikárimovter otbasy:

Ábdikárimov Oralbaı Ábdikárimuly. 1944 jyly Qaraǵandy oblysy Nura aýdanynda dúnıege kelgen. QR Parlamenti Senatynyń depýtaty. Qaraǵandy memlekettik ýnıversıtetin támamdap, eńbek jolyn shopandyqtan bastaǵan. Áskerı teńiz flotynda Otan aldyndaǵy boryshyn ótegen. Qazaqstan Respýblıkasynyń parlamentine 10 jyl medalimen, II dárejeli «Barys» ordenimen marapattalǵan. Nura aýdanynyń qurmetti azamaty, Koreıadaǵy Ken ýnıversıtetiniń qurmetti profesory, Máskeý memlekettik Lıngvısıka ýnıversıtetiniń qurmetti profesory ataǵyn alǵan.

Ábdikárimov Serjan Oralbaıuly. 1976 jyly 11 mamyrda Qaraǵandy qalasynda dúnıege kelgen. 1998 jyly Almaty memlekettik ýnıversıteti men QR SİM Dıplomatıalyq akademıasynda halyqaralyq qatynastar mamandyǵy boıynsha bilim alǵan. 2015 jyly Serjan Ábdikárimov memleket basshysynyń Jarlyǵymen QR-nyń Cheh Respýblıkasy men Slovak Respýblıkasyndaǵy Tótenshe jáne Ókiletti Elshisi bolyp taǵaıyndaldy.

Ábiqaevtar otbasy: 

Ábiqaev Nurtaı Ábiqaıuly. 1947 jyly 15 mamyrda Almaty oblysy Jambyl aýdany Jambyl aýylynda dúnıege kelgen. S.M. Kırov atyndaǵy Oral polıtehnıkalyq ınstıtýtyn (1970) ınjener-mehanık mamandyǵy boıynsha bitirgen. Almaty joǵary partıa mektebinde, RF Prezıdentiniń janyndaǵy Reseı memlekettik qyzmet akademıasynda oqyǵan. Nurtaı Ábiqaev – memlekettik qaıratkeri, ınjener-mehanık, general-maıor (1998), ekonomıkalyq ǵylymı doktory. QR Ulttyq qaýipsizdik komıtetin basqarǵan.

«Qazaqstan Respýblıkasynyń Tuńǵysh prezıdenti Nursultan Nazarbaev», «Parasat», «Dostyq» ordenimen, «QR Parlamentine 10 jyl» medalimen marapattalǵan.

Nurtaev Sergeı Nurtaıuly. 1974 jyly 6 qarashada dúnıege kelgen. Ál-Farabı atyndaǵy Qazaq Ulttyq ýnıversıtetin ıýrısprýdensıa mamandyǵy boıynsha támamdaǵan.

QR Syrtqy ister mınıstrliginiń Almaty qalasyndaǵy ókildiginiń úshinshi hatshysy, 2002-2004 jyldary Qazaqstan Respýblıkasynyń Ulybrıtanıadaǵy Elshiliginiń úshinshi hatshysy, 2004 jyldyń naýryz aıynan Qazaqstan Respýblıkasynyń Sankt-Peterbýrg qalasyndaǵy Bas konsýly bolyp qyzmet atqarǵan. 2009 jyldan bastap Qazaqstannyń Grekıadaǵy Tótenshe jáne ókiletti elshisi;

2015 jyldan bastap Memleket basshysynyń Jarlyǵymen Sergeı Nurtaıuly Nurtaev QR-nyń Grekıa Respýblıkasyndaǵy Tótenshe jáne Ókiletti Elshisi qyzmetinen bosatylyp, QR-nyń Italıadaǵy Tótenshe jáne Ókiletti Elshisi bolyp taǵaıyndaldy.

Qasymbekter otbasy:

Qasymbek Mahmud Bazaqululy. 1952 jyly 2 tamyzda Jambyl oblysy Shý qalasynda dúnıege kelgen. Abaı atyndaǵy Qazaq pedagogıka ınstıtýtynyń matematıka fakúltetin, Almaty halyq sharýashylyǵy ınstıtýtynyń josparlaý-ekonomıkalyq fakúltetin, Almaty joǵary partıa mektebin bitirgen. Eńbek jolyn Shý qalasyndaǵy Sáken Seıfýllın atyndaǵy orta mektepten bastady. Mahmud Qasymbekov 100-den astam ǵylymı maqala jarıalaǵan. Ol – 20-dan astam kitaptyń avtory jáne qurastyrýshysy.

1990 jyldan QR Prezıdenti men Mınıstrler Kabıneti Apparatynyń, keıinnen Memleket basshysynyń Ákimshiligi Jalpy bóliminiń meńgerýshisi boldy.

1996 jyldyń naýryzynan, Qazaqstan Respýblıkasy Prezıdenti Keńsesiniń basshysy qyzmetin atqardy.

Mahmud Qasymbekov – saıasattanýshy, saıasattaný ǵylymdarynyń doktory, profesor. 

Qazaqstan Respýblıkasynyń ǵylym, tehnıka jáne bilim salasyndaǵy Memlekettik syılyǵynyń ıegeri, «Qazaqstan Respýblıkasynyń Tuńǵysh Prezıdenti Nursultan Nazarbaev», İİİ dárejeli «Barys», «Qurmet» ordenderimen marapattalǵan.

Qasymbek Jeńis Mahmuduly. 1975 jyly 7 mamyrda Jambyl oblysy Shý qalasynda dúnıege kelgen. QR Prezıdenti Keńsesiniń bastyǵy. Qazaq memlekettik sáýlet-qurylys akademıasynyń sáýlettik orta dızaın fakúltetin, Eýrazıa ýnıversıtetiniń memlekettik jáne mýnısıpaldyq basqarý isi fakúltetin bitirgen.

Ár jyldary QR Tabıǵı monopolıalardy retteý jáne básekelistikti qorǵaý jónindegi agenttiktiń temir jol kóligi jáne porttar bóliminiń basshysy, Úılestirý jáne tarıftik saıasat departamentiniń tarıftik saıasat bóliminiń basshysy, QR Kólik jáne komýnıkasıa mınıstrliginiń Sý kóligi departamentiniń dırektory, «Aqtaý halyqaralyq teńiz porty» RMK dırektory laýazymdaryn atqardy. 2016 jyly Qazaqstan Respýblıkasy Investısıalar jáne damý mınıstri bolyp taǵaıyndaldy.

Qasymbek Ardaq Mahmuduly. 1977 jyly 29 qyrkúıekte Almaty qalasynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin, Business School of City University of London oqý ornyn bitirgen.

2014 jyly Ardaq Qasymbek «QazTransOıl» AQ dırektorlar keńesiniń basshysy bolyp taǵaıyndaldy. Byltyrǵa deıin "QazMunaıGaz" Ulttyq kompanıasynyń qarjy dırektory bolyp qyzmet atqarǵan.

Altynbaevtar otbasy:

Altynbaev Muhtar Qapashuly. 1945 jyly 10 jeltoqsanda Qaraǵandy qalasynda dúnıege kelgen. Armavır joǵary áskerı ushqyshtar ýchılıshesin, Sovet Odaǵynyń Marshaly G.K. Jýkov atyndaǵy Áskerı komandalyq akademıasyn bitirgen. Eńbek jolyn Qaraǵandy qalasyndaǵy shahtadan bastady. 1966-1999 jyldar arasynda QR Qorǵanys mınıstri boldy. Muhtar Altynbaev – saıası ǵylymdar kandıdaty, armıa generaly. 2010 jyldan 2017 jylǵa deıin QR Parlamenti Senatynyń depýtaty bolyp qyzmet atqardy.

Kezinde Muhtar Altynbaev AQSH avıasıalyq bazalarynyń birinde ataqty F-16 joıǵysh ushaǵymen ushý ónerin kórsetken. Amerıka mamandary Muhtar Altynbaevtyń kásibı sheberligine joǵary baǵa berdi.

Muhtar Altynbaevqa QR Prezıdentiniń 2006 jyly 6 mamyrdaǵy Jarlyǵymen «Halyq qaharmany» ataǵy berildi jáne «Halyq Qaharmany» Altyn juldyzy men «Otan» ordeni tabys etildi.

Altynbaev Músilim Muhtaruly. 1966 jyly 19 qańtarda dúnıege kelgen. 1983 jyly orta mektepten keıin QR Prezıdenti janyndaǵy Memlekettik qyzmet akademıasyn, Stavropol joǵary avıasıalyq ushqyshtar jáne shtýrmandar ýchılıshesin, QR UQK ınstıtýtynyń kýrsyn, RF QM Áskerı- dıplomatıalyq akademıasyn, AQSH Qorǵanys lıngvısıkalyk ınstıtýtynyń aǵylshyn tili kýrsyn bitirgen.

2017 jyly Músilim Muhtaruly Altynbaev QR Qorǵanys mınıstriniń orynbasary bolyp taǵaıyndaldy.