Ulttyq búro eks-ákim Rysqalıevti tergeýge shaqyrdy, - dep habarlaıdy Qamshy.kz aqparat agenttigi Tengrinews.kz saıtyna silteme jasaı otyryp. Sybaılas jemqorlyqqa qarsy is-qımyl ulttyq búrosy Atyraý oblysynyń burynǵy ákimi Bergeı Rysqalıevke qatysty qylmystyq isti qarap jatyr.

Aıta keteıik, búro eks-ákimnen basqa Rysqalıdiń, Álbaqasovtyń jáne taǵy da basqalardyń isin tergep jatyr. Mamandardyń habarlaýynsha, tergeý barysynda burynǵy ákim men onyń sybaılastarynyń zańǵa qaıshy árekettermen aınalysqanyn dáleldeıtin derekter anyqtaldy.

«Jınalǵan materıaldar kúdiktilerdiń zańǵa qaıshy jasalǵan, qylmystyq top qurý jáne ony basqarý, laýazymdy asyra paıdalaný, memlekettik múlikti jáne búdjet qarajatyn alaıaqtyq jolmen tonaý jáne ıemdený, para alý, sonymen qatar, ony keıin zańdastyrý áreketterin dáleldeıtin málimetterdi tabýǵa jol ashty», - delingen habarlamada.

Baspasóz qyzmetiniń habarlaýynsha, QR QPK 208-baby 1-bóligine sáıkes, kúdikti shaqyrtý arqyly tergeýge shaqyrylady. Alaıda, Rysqalıev, Rysqalı, Álbaqasov jáne ózge de kúdiktilerdiń Qazaqstan Respýblıkasynan tys jerde bolýyna jáne kelýden jaltarǵandaryna baılanysty, Sybaılas jemqorlyqqa qarsy qyzmet QR QPK 205-baby 3-bóligin basshylyqqa ala otyryp, kúdiktilerdi tergeýge shaqyrtýdy buqaralyq aqparat quraldary arqyly jarıalady.

«Kúdikti Rysqalıev, Rysqalı, Álbaqasov, Jeldibaev, İzbasar, Súleımenov, Jolmaǵambetov, Temiralın jáne Danevıch jedel-tergeý toby olardyń qatysýymen tergeý sharasyn ótkizý úshin, 2018 jyldyń 2 naýryzy saǵat 10.00-ge deıin, Qazaqstan Respýblıkasy, Astana qalasy, Seıfýllın kóshesi, 37 mekenjaıynda ornalasqan Sybaılas jemqorlyqqa qarsy is-qımyl ulttyq búrosynyń ákimshilik ǵımaratyna kelýi tıis», - delingen habarlamada.

Aıta keteıik, kúdikti tergeý sharasyna qorǵaýshysyn shaqyra alady nemese qorǵaýshy berý týraly ótinish jaza alady. Eger qorǵaýshyny kúdikti nemese onyń zańdy ókilderi, tapsyrmasy boıynsha qatysatyn ózge de tulǵalar shaqyrmaıtyn bolsa, qorǵaýshyny organ beredi. Eger belgilengen ýaqytta kelýge kedergi qandaı da bir sebep bolsa, qorǵaýshyny qatystyrý jóninde ótinish bolsa, kúdikti nemese onyń zańdy ókili qylmystyq tergeýdi júrgizetin organǵa aldyn ala eskertýi tıis.