Máskeý oblysynyń Chehov aýdanyndaǵy aýyldardyń birinde kólikten úsh er adamnyń máıiti tabyldy,- dep jazady TASS. 

 «Chehov aýdanynyń Novoselka aýylynda kólikten úsh er adamnyń máıiti tabyldy. Ólimniń sebebi anyqtalyp jatyr»,-dep habarlady shuǵyl jaǵdaı qyzmetiniń ókili.

 RF İİM Máskeý oblysy boıynsha baspasóz qyzmeti er adamdardyń deneleriniń tabylýy týraly faktini rastady.

 Osy oqıǵa boıynsha tergeý komıteti tekserý jumystaryn bastady.

«Máıitter tabylǵan kólik Qazaqstannan kelgen»,- dep habarlady Tergeý komıtetiniń Máskeý oblysy boıynsha bas basqarmasy jetekshisiniń kómekshisi Olga Vradıı

Vradııdiń aıtýynsha,  Novoselka aýdanynda  turǵan fýrgonnan úsh azamattyń máıiti tabylǵan jáne olardyń denelerinde kúshtep óltirýdiń belgileri bolmaǵan.

 Kólikten mert bolǵan azamattar paıdalanǵan gazdy jylytqysh tabylǵan. Olar gazdan ýlanyp qalýy múmkin, alaıda olardyń óliminiń naqty sebebi arnaıy saraptaýlardan soń belgili bolady.