«Bolar istiń basyna, jaqsy keler qasyna» dep, halyq aıtqandaı eliniń erteńin oılaǵan Elbasy  aıqyn 5 bastamany halyqqa usyndy. Osy bastamalar aıasynda usynylǵan baǵdarlamalar men is-sharalar eldiń eńsesin kótereri sózsiz. Atap aıtsam:

Baspana alýdyń jańa múmkindikteri boıynsha usynylǵan «7-20-25» baǵdarlamasy búgingi kúni baspanasyz júrgen talaı otbasyǵa úlken kómek. Ásirese, bolashaǵyna senim týdyrý úshin jas otbasylarǵa jasalyp jatqan jaqsy jaǵdaı dep aıtýǵa bolady. Eline óz úlesin qosý úshin eńbek etip etip júrgen bilimdi jastar barshylyq. kóbine otbasylyq-turmystyq jaǵdaılary bolmaǵandyqtan, kúıbeń tirshilikten aryla almaı júrgen jastar endi qoljetimdi baspanamen qamtamasyz etiledi dep oılaımyn.

Tómen tólemdegi jalaqysy bar azamattarǵa salyq tólemin azaıtý jónindegi  bastama da oryndy. Salyqty azaıtý arqyly olardyń jalaqysyn kóterý kózdelgen bul bastamada halyqqa áleýmettik turǵyda qoldaý kórsetiletindigi kóńilge senim uıalatady

Eń bastysy, joǵary bilim alýdyń sapasy men qoljetimdiligin kóterý bastamasy qanshama jastardy tyǵyryqtan shyǵarary sózsiz. Elbasy usynǵan tehnıka salasyndaǵy memlekettik grantty kóbeıtý máselesi arqyly el ekonomıkasyn arttyrýdaǵy qajetti mamandyqtarǵa kóńil bólý bolyp tabylady. Osy mamandyqtarǵa jastardy tartý úshin olarǵa jaǵdaı týǵyzý kerektigin basa aıtqan Elbasy joǵarǵy oqý orny men kolejderde jataqhana máselesin sheshý kerektigin basa aıtty. Osy bastama boıynsha salynatyn zamanaýı turǵydaǵy jańa jataqhanalar talaı páter jaldap júrgen stýdentterdiń máselesin sheshedi. Olardyń  tolyqqandy bilim alýyna jaǵdaı jasalatyny meni de qýantady.

Eldiń eńsesin kótergen bastamalardyń biri - shaǵyn nesıe berý kólemin keńeıtý. Óz kásibin bastap, sharýashylyǵyn keńeıtýdi kózdegen árbir kásipkerge taptyrmas kómek deýge bolady. Qarjylaı kómekti qajet etetin árbir kásipker óz sharýashylyǵyn keńeıtýde memleket tarapynan jasalǵan bul bastamany qýanyshpen qarsy alyp jatyr dep oılaımyn.

Eldi kógildir otynmen qamtamasyz etýdi kózdegen besinshi bastama halyq turmysyndaǵy qordalanyp qalǵan talaı máseleni shesheri daýsyz.  Ystyq sý máselesi, otyn tapshylyǵy sıaqty (ásirese bizdiń Kókshetaý qalasy boıynsha) qarapaıym dúnıeler qoljetimdi bolar edi. Osy bastamalardy  azamattyq turǵydan qoldaımyn jáne jaqyn arada júzege asatyna senemin.

Karasartova Sh.K.

M.Ǵabdýllın atyndaǵy №3

kóptilde oqytatyn

kásibı mektep-gımnazıasynyń

qazaq tili men ádebıeti páni muǵalimi,

«Qazaqstan Respýblıkasy Bilim berý isiniń Qurmetti qyzmetkeri» tósbelgisiniń ıegeri