«Kanelonyń» jańa dopıng-synaqtarynyń nátıjesi belgili boldy

    Gulim Zhaqan
    «Kanelonyń» jańa dopıng-synaqtarynyń nátıjesi belgili boldy

    Alvarestiń 3 jáne 5 naýryzda tapsyrǵan dopıng-synaǵynyń nátıjeleri jarıalandy.

    Meksıkalyq boksshy Saýl "Kanelo" Alvares (49-1-2, 34 KO) orta salmaqta WBC, WBA (Super), IBF jáne IBO tujyrymdary boıynsha álem chempıony qazaqstandyq Gennadıı Golovkınmen (37-0-1, 33 KO) ekinshi jekpe-jeginiń qarsańynda tapsyrǵan taǵy eki dopıng-synaǵynyń nátıjesi belgili boldy,  dep habarlaıdy Vesti.kz.

    Los Angeles Times jýrnalısi Lens Pagmaıerdiń málimeti boıynsha, Alvarestiń 3 jáne 5 naýryzda tapsyrǵan dopıng-synaǵynyń nátıjesi klenbýteroldyń jáne basqa da tyıym salynǵan zattardyń bolmaǵanyn kórsetedi.

    Eske sala keteıik, osyǵan deıin Alvarestiń dopıngpen ustalǵany habarlanǵan bolatyn. Alvarestiń dopıng-synamasynan klenbýteroldyń bolmashy mólsheri tabylǵan. Bul preparat adamǵa bulshyqet massasyn ósirýge jáne maıdy joıýǵa kómektesedi. Al sporttan tys bul preparat janýarlardyń massasyn ósirýge arnalǵan eken.

    Qatysty Maqalalar

    Úzdik tenısshiler anyqtaldy

    Úzdik tenısshiler anyqtaldy

    16:59, 06 sáýir 2026