Elbasy bıylǵy halyqqa arnaǵan kezekti Joldaýynda: «Qazirgi densaýlyq saqtaý isi qymbatqa túsetin stasıonarlyq emge emes, negizinen aýrýdyń aldyn alýǵa, sonymen birge salamatty ómir saltyn nasıhattaı otyryp, qoǵamdyq densaýlyqty basqarý isin kúsheıtý kerek»- dep atap kórsetti. Jastarǵa qyzmet kórsetý ortalyǵynda «Almaty oblystyq salaýatty ómir saltyn qalyptastyrý problemalary ortalyǵy» JSHS BAQ ókilderimen baspasóz konferensıasyn ótkizdi.
Oblystyq, Almaty jáne Astana qalalarynyń, qalalyq jáne aýdandyq salaýatty ómir saltyn qalyptastyrý ortalyqtary (budan ári - SÓSQ ortalyqtary) óńirlik deńgeıde salaýatty ómir saltyn qalyptastyrý (budan ári - SÓSQ) salasyndaǵy qyzmetti júzege asyratyn densaýlyq saqtaý uıymdary, respýblıkalyq deńgeıde - óziniń qyzmetin "Qazaqstan Respýblıkasy Bilim, mádenıet jáne densaýlyq saqtaý mınıstrliginiń Salaýatty ómir saltyn qalyptastyrý problemalary ulttyq ortalyǵy týraly" Qazaqstan Respýblıkasy Úkimetiniń 1997 jylǵy 3 jeltoqsandaǵy N 1678 qaýlysyna sáıkes júzege asyratyn Qazaqstan Respýblıkasy Densaýlyq saqtaý mınıstrliginiń "Salaýatty ómir saltyn qalyptastyrý problemalary ulttyq ortalyǵy" respýblıkalyq memlekettik qazynalyq kásiporny bolyp tabylady.
Ortalyqtyń basshysy Arslan Indershıevtiń aıtýynsha, elimizde 2025 jylǵa deıingi damýynyń Strategıalyq josparynda «Salaýatty ómir saltyn nasıhattaý» mindeti qalyptasqan, onda salaýatty ómir saltyn ustanatyn, durys tamaqtanatyn, sportpen shuǵyldanatyn adam sanynyń kóbeıýine erekshe nazar aýdarylǵan. Qazaqstanda sońǵy 20 jylda salaýatty ómir saltyn qalyptastyrý saıasaty júzege asyrylyp keledi. Atalmysh ortalyq Densaýlyq saqtaý basqarmasynyń qoldaýymen óńirimizdegi 16 aýdan men 3 qalada ótken jyly 55 myńnan astam is-shara uıymdastyrypty. Keń aýqymdy aksıa, semınar, dóńgelek ústel, flesh-mob túrindegi sharalarǵa 700 myńnan asa oblys turǵyndary qatysqan.
Munan ózge gazet-jýrnaldarda maqala jarıalanyp, stend ilingen. Densaýlyqty nyǵaıtyp, saqtaý máselelerin qamtyǵan mıllıonnan astam aqparattyq- keńestik kitapsha jáne basqa da quraldar jaryq kórgen. Aqparattyq bilim beretin stend, aýdıo-beınerolıkter turǵyndar jıi baratyn HQKO, avtobeketterge, memlekettik kirister basqarmalary ǵımarattaryna ornalastyryldy. Al saýda ortalyqtarynda, bazarda radıoleksıa mátinderi týberkýlezden, gepatıtten saqtaný, temeki, ishimdik zıandyǵy jóninde taqyrypty qamtydy. Sonymen qatar áleýmettik jelilerde ótkizilgen shara jóninde aqparat berildi.
SÓSQ ortalyqtary - SÓSQ jáne nasıhattaý, aýrýlar men minez-qulyqtyq qaýip-qater faktorlarynyń aldyn alý jáne densaýlyqty nyǵaıtý boıynsha uıymdastyrý-ádistemelik basshylyq kórsetetin jáne zańdy tulǵalardyń quqyqtaryn paıdalanady, ataýy kórsetilgen mórtańbasy, móri men fırmalyq blanki bar derbes densaýlyq saqtaý uıymy bolyp tabylatyn densaýlyq saqtaý uıymdary.
Búginde halyq arasynda júrek-qan aýrýlary kóbeıip otyr. Bul aýrý belgileri, ásirese, jas balalardyń arasynda etek alýy mamandardy alańdatady. Onyń bir sebebi, tolyqtyq, qımyl-qozǵalys bolmaǵandyqtan deneni maı basady. Qazir balalar kompúterdiń aldynan shyqpaıdy.
Sodan keıin temeki, ishimdikti satatyn dúkenderdiń bilim oshaǵynan tysqary ornalasýy, jasy 18-ge tolmaǵan jasóspirimderge zıandy zattardy satpaý, qoǵamdyq uıymdarda kalándy paıdalanbaý týrasynda túsindirme jumystary jasalǵan. Atalǵan jumystar Almaty oblysy turǵyndarynyń densaýlyǵyn saqtaý men nyǵaıtýǵa, adamdardyń ómir jasyn uzartýǵa, eńbek ónimdiligin joǵarlatýǵa baǵyttalǵan. Salaýatty ómir saltyn qalyptastyrý ortalyǵynyń mamandary BAQ ókilderiniń kóptegen suraqtaryna jaýap berdi.
