Google kompanıasy qujat saqtaýshy bulty Google Drive ataýyn Google One dep ózgertip, baǵalaryn jeńildetti dep jazady Qamshy.kz aqparat agenttigi kompanıanyń aqparatyna súıenip. Budan bylaı Google One qyzmetin paıdalanýshy  200 gıgabaıt jad syıymdylyǵyn paıdalaný úshin aıyna $2,99 tóleıdi. Al,  2 TB $19,99-dan $9,99-ǵa arzandaǵan.

Sondaı-aq, Google One saqtaý keńistigin otbasy múshelerimen bólisetin fýnksıany da qosqan. Buǵan deıingi tarıfte 100 GB syıymdylyqqa jazylǵan ($1,99/aı) qoldanýshylar endi Google ónimderi men qyzmetteri týraly kompanıa mamandarynan onlaın keńes ala alady.  Buryn táýlik boıy qoljetimdi Google Experts qyzmeti tek  G Suite bıznes akkaýnttaryna ǵana múmkin bolatyn.

15 GB tegin kvota ózgerissiz qalady. Al, $9,99 baǵaǵa beriletin  1 TB  tarıf endi joq. Osyǵan deıin 1 TB jadqa aqyly jazylǵandar endi 2 TB ala alady.