Semeı qalasynyń Qazaq ınovasıalyq gýmanıtarlyq-zań ýnıversıtetinde QR Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi Ulttyq komısıanyń Ortalyq saraptama keńesiniń kóshpeli májilisi ótti.
Kóshpeli jıyn «Rýhanı jańǵyrý» baǵdarlamasyn oryndaý barysyna arnaldy. Sarapshylar atalmysh baǵdarlamanyń Shyǵys Qazaqstan oblysynda atqarylý barysyn jáne joǵarǵy oqý oryndarynda qandaı mańyzdy mindetter atqarylyp jatyr, sony talqylady.
Alǵashqy bop sóz alǵan SHQO ishki saıasat basqarmasynyń basshysy Nellı Krasnobaeva, Elbasy Nursultan Nazarbaevtyń bastamasymen qolǵa alynǵan «Rýhanı jańǵyrý» baǵdarlamasy oblysta keshendi túrde qolǵa alynǵandyǵyn, tarıhı-mádenı jerlerge ekspedısıalyq túrli baǵyttaǵy sharalardyń júrgizilgendiginen habardar etti.
Májilisti QR UǴA akademıgi, f.ǵ.d., profesor Ortalyq saraptama keńesiniń sarapshysy Dıhan Qamzabekuly júrgizip otyrdy.
Jıynǵa e.ǵ.k., profesor Erlan Aryn, QR Investısıalar jáne damý mınıstri qoǵammen baılanys bóiliminiń meńgerýshsi Berik Ýálıuly, f.ǵ. k., profesor Amanjol Áltaı, Semeıdegi Shákárim ýnıversıtetiniń rektory, profesor Meıir Eskendirov, D. Serikbaev atyndaǵy SHQMTÝ rektorynyń m.a. Sáýle Rahmetýllına, Sársen Amanjolv atyndaǵy Shyǵys Qazaqstan memlkettik ýnıversıteti tárbıe jumysy jónindegi prorektor Irına Rovnákova jáne taǵy basqalary qatysty.
Jarys sózge shyqqandardyń biri profesor Arap Espenbetov Abaıdy rýhanı jańǵyrý baǵdarlamasynyń negizi etip alǵan durys, desek te osy ýaqytqa deıin ákesi Qunanbaıdyń eńbegi durys baǵalanbaı, nazardan tys qalyp otyrǵandyǵyn aıtty. Sondaı-aq, memlekettik Eltańba avtory, sáýletshi Jandarbek Málibekov Astanadaǵy Tuńǵysh Prezıdent mýzeıiniń barlyq qalalardy bólimderi ashylýy qajettigin, Semeıde de ashylyp jatsa, barlyq kerek-jaraqty jetkizýdiń múmkindigi bar ekendigin jetkizdi. Saraptama toby quramynda kelip sóz alǵan Serikzat Dúısenǵazy, Erlan Saılaýbaılar Alashtaný máselesin joǵary deńgeıge kóterý qajettigi týraly aıtty.
Jıynda belgili bolǵandaı Sarapshylar rsepýblıkalyq jáne halyqaralyq deńgeıdegi jobalardy qalyptastyrýdyń qajettigine basa nazar aýdarýdy qolǵa almaq. Astanadan «Abaı» ınstıtýtyn ashý jáne «Abaı» jýrnalyn joǵary talappen shyǵarý kózdelgen. «Altaı-Tarbaǵataı» kitaphanasy boıynsha Aqtamberdi jyraý, Dýlat Babataıuly jáne taǵy basqa da kóptegen shyǵarmalardan turatyn kitaptar shyǵarý qajettigin alǵa tartty. «Alash avtonomıasy jáne óńirden shyqqan tarıhı tulǵalar» boıynsha jobalarǵa aıryqsha nazar aýdarý kerek. Týrızmdi damytý, kıeli jerlerdi abatttandyrý, Aqsýattaǵy Yrǵyzbaı baba kesenesine tarıhı mańyz berý, arheologıalyq zertteýler júrgizý, «rýhanı jańǵyrý» ıýǵdarlamasynyń negizgi erejelerin oqý úderisine engizý, stýdenttik bastamalarǵa qoldaý berý týraly da aıtyldy.
Kóshpeli májilis sońynda «İsker azamat-el tiregi» kishi baǵdarlamasynyń belsendiligin arttyrý jóninde usynystar qabyldandy. Májilis aıasynda L. Gýmılev atyndaǵy EUÝ jáne óńirdegi bes ýnıversıtettiń rektorlary «Rýhanı jańǵyrý» baǵdarlamasy boıynsha birlesken jobalardy júzege asyrý boıynsha yntymaqtastyq Memorandýmǵa qol qoıdy.
