AQSH prezıdenti Donald Tramp Fransıa prezıdenti Emmanýl Makronmen telefon arqyly sóılesip, KHDR, Iran jáne Sırıa máselelerin talqylady.
«Prezıdent Donald Tramp búgin Fransıa basshysy Emmanýel Makronmen sóılesti. Taraptar Sıngapýrdaǵy Tramp pen Kım Chen Ynnyń kezdesýin talqylady. Tramp AQSH-tyń samıtti ótkizýdegi maqsatyn qaıtalap ótti – Soltústik Koreıany tolyq qarýsyzdandyrý», - delingen habarlamada.
Buǵan qosa, basshylar Sırıa aıasyndaǵy jaǵdaıdyń rettelýin de sóz etti. Tramp Iranmen keshendi kelissózderdiń jasalýyna nazar aýdardy. Ári saýda aıasyndaǵy kedergilerdi azaıtý úshin Eýropalyq odaqty kelissózder júrgizýge shaqyrdy.
