Londondaǵy Vestmınster abattyǵynda belgili fızık ǵalym Stıven Hokıngtiń súıeginiń kúlin jerleý rásimi ótti. Rásimge dostary, týystary jáne ǵylymı saladaǵy áriptesteri qatysty.
Buǵan qosa álemniń túrli elderinen Hokıngtiń jankúıerleri qatysty. Jalpy 25 myńǵa jýyq adam ǵalymdy jer qoınaýyna tapsyrdy. Ony áıgili ǵalymdar Charlz Darvın men Isaak Nútonnyń zırattarynyń qasyna jerledi.
Janama amfıotrofıkalyq skleroz aýrýy saldarynan sal aýrýyna ushyraǵan Hokıng bıyl naýryzda 76 jasynda qaıtys bolǵan. Syrqatymen 50 jyldan astam ýaqyt ómir súrgen ǵalym kvanttyq kosmologıanyń negizin salýshylardyń biri boldy, ol "Úlken jarylys" nátıjesinde álemniń paıda bolǵany týraly teorıany zerttep, "Qara tesik" teorıasyn ashýǵa kóp eńbek sińirdi. Dert saldarynan tek bet bulshyq etteri ǵana saý qalǵan Hokıng dachıktiń kómegimen kompúterdi basqarǵan.
Ǵalym qaıtys bolǵannan keıin onyń áıgili mehanıkalyq daýysynyń jazbasy eýropalyq Cebreros aeroǵarysh stansıasynyń kómegimen ǵaryshqa radıosıgnal túrinde joldanǵan. Qyzy Lúsı Hokıngtiń sózinshe, bul sıgnal "bınarlyq júıedegi eń jaqyn 1A 0620-00 qara tesigi" jaqqa qaraı jiberilgen.
