Qazirgi kezde Abaı, Abylaı han, Nazarbaev dańǵyldary men Abaı alańynda ınjenerlik jelilerdi ornalastyrý, tas tóseý, jaryq dińgekterin aýystyrý, sýraý júıesin ornatý, kire beristerdi jáne nysandardyń syrtyn jańartý jumystary júrýde. Rekonstrýksıa aıasynda jaıaý júrginshi aımaǵyn keńeıtý, kóleńkeli keńistikti qalyptastyrý úshin jasyl jelek otyrǵyzý, jańa fontandar salý qarastyrylǵan.
Qala ákimidiginiń komısıasy tarıhı ortalyqtaǵy qurylys jumystarynyń barysyn tekserdi. Jumys sapary kezinde Almaty ákimi kóshelerdi abattandyrýmen aınalysatyn merdigerler atyna birqatar syn aıtty.
«Jaıaý júrginshiler men avtokólik úshin qaýipsiz qoǵalysty qamtamasyz etken jón. Sizderdiń barlyqtaryńyz jumysqa baılanysty ashyq konkýrsqa qatystyńyzdar, barlyqtaryńyz tájirıbeli kompanıasyzdar, sizder sapa úshin jaýap berýmen qatar qalalyqtarǵa qajetti jaǵdaıdy jasaýǵa tıissizder», - dep atap ótti Almaty ákimi Baýyrjan Baıbek.
«Bazıs-A» kompanıasynyń basshysy Pavel Belovıch óziniń sózinde nemketti jumys jasaǵandarǵa shara qoldanylǵany týraly aıtty. Mysaly, qurylys jumystarynyń erejesin saqtamaǵany jáne tehnıka qaýipsizdigin buzǵany, jumysty talapqa saı uıymdastyrmaǵany úshin «BAZIS- A» AQ-nyń basqarýshy dırektory Salem Toqmurzaev qyzmetinen bosatyldy, basqarýshy dırektor Ótegen Buzǵulovtyń laýazymy tómendetildi, vıse-prezıdent Marat Kópeshevke qatań eskertý jarıalandy, bulardyń barlyǵy Nazarbaev dańǵylyndaǵy jóndeý jumystaryna jaýapty bolatyn.
Bulardan ózge, osy ýchaskede jóndeý jumystaryn júrgizip jatqan qosalqy merdigerlik uıymdar «Kerim Jol» JSHS pen «MV Alons» JSHS ınertti materıaldardy jınaqtaǵany jáne qurylys qoqystaryn retsiz qaldydrǵandary úshin árqaısysyna 20 eseptik aılyq kórsetkish kóleminde 48 100 teńgeden aıyppul salyndy.
Ákimniń orynbasary S.Mákejanov qurylys- montaj jumystaryn tekserý barysynda Abylaı han dańǵyly,Abaı dańǵylynan Almaty-2 temirjol vokzalyna deıingi aımaqtarda birqatar kemshilikterdiń oryn alǵandyǵyn baıandady.«Novaıa generasıa» JSHS bas merdigeri tıisti eskertý jasamastan jumysty bastaǵan. Onyń ústine, bul ýchaskede tehnologıa men óndiris normasy óreskel buzylǵan: qurylys qoqystary der kezinde tasymaldanbaıdy, qurylys materıaldaryn jınaý óndiristi uıymdastyrýǵa saı emes, elektr jelisin tartý tehnologıasy saqtalmaıdy, qurylys qoqysynyń shashylýyna jol berilgen,ishki operasıalyq baqylaý joq. Jiberilgen osy kemshilikterge oraı bas merdigerlerge qatysty ákimshilik hattama toltyryldy, onyń jalpy somasy 1 142 375 teńge. Qosalqy merdigerlik uıymdar: TOO «Elıtstroı» JSHS 1 142 375 teńge, «Darbol» JSHS - 577 200 teńge aıyppul salyndy.
Al Abylaı han dańǵyly boıyndaǵy jasyl jelekke nusqan keltirgeni úshin «Novaıa Generasıa» JSHS ýchaske basshysyna 30 AEK – 72 150 teńge aıypul salyndy. Aǵashtardyń tamyryna zaqym keltirgeni, ınertti materıaldar men qurylys qoqystaryn retsiz qattaǵany úshin qosalqy merdiger «Stroı Garant Invest» JSHS 40 AEKP – 96 200 teńge aıyppul tóleıdi. Abaı dańǵyly boıyndaǵy jasyl jelekti zaqymdaǵany úshin qosalqy merdiger «ÝMR-3» JSHS 40 AEK – 96200 teńgege aıppul hattamasy toltyryldy.
Almaty ákimi kóshpeli keńes barysynda qysqa merzimde jumysty barynsha sapaly atqarýǵa jáne qala turǵyndaryna jaǵdaı jasaýǵa aıryqsha nazar aýdardy.Memlekettik sáýlet-qurylys baqylaý basqarmasyna ár ýchaskede jumysty barynsha tyńǵylyqty atqarý jáne merdigerlerden normany saqtaýdy qatań talap etý tapsyryldy. Barlyq merdigerlerge kemshilikterdi joıý úshin naqtyly merzim berildi.
Eske salsaq, bıylǵy jazda Almatyda uzyndyǵy 160 km bolatyn 150-den astam kóshe jóndelýde. Ótpeli joldardyń barlyǵyna kúrdeli jóndeý jumystary júrgizilýde. Ortalyqtandyrý qaǵıdasy boıynsha qalanyń barlyq aýdandarynda abattandyrý júzege asýda. Eger ótken jyly 500 almatylyq aýla jóndelse, bıylǵy jyly qalanyń barlyq aýdandarynda taǵy 600-den asa aýla jańarady.
Megapolıste sońǵy jyldary 800 km ınjenerlik jeli, sonyń ishinde 313 km sý qubyry, 266 km káriz jelisi, 150 km elektr jelisi jáne 32,3 km jylý júıesi salyndy jáne jańartyldy.