«Qazatompromnyń» eks-basshysy Muhtar Jákishevtiń aýrýy asqynyp, adamdardyń kómeginsiz júrip-tura almaıtyn kúıge jetti dep habarlaıdy Qamshy.kz aqparat agenttigi forbes.kz saıtynyń deregin negizge alyp. Bul týraly Muhtar Jákishevtiń advokaty Nurlan Beısekeev málimdepti. Eske sala keteıik, tanymal qazaqstandyq bıznesmen Muhtar Jákishev jemqorlyqqa qatysy bar degen aıyppen 2010 jyly 14 jylǵa bas bostandyǵynan aıyrylǵan.  Qazir ol 9 jyl jazasyn ótedi.Resmı tilde júrgizilgen suhbattyń negizgi tustaryn memlekettik tilge aýdara otyryp, oqyrman qaýymǵa usynamyz. 

«Qazatomprom» eks-basshysynyń advokaty Nurlan Beısekeev Muhtar Jákishevtiń densaýlyǵyna alańdaýly. Sońǵy medısınalyq tekserilýden soń onyń bas mı júıesinde aqaý bar ekeni anyqtaldy.

17 shildede Qaraǵandy oblysyndaǵy kolonıadan SHQO-oblysy Semeı qalasyndaǵy qatań rejımdi kolonıaǵa aýystyrylǵan bolatyn. Osynyń sebebinen Muhtar Jákishevtiń densaýlyǵy taǵy da nasharlady.

Muhtar Jákishevtiń qorǵaýshysy jekemenshik klınıkada medısınalyq tekserýden ótýin talap etip otyr. Al Qylmystyq atqarýshy júıeniń komıteti (QAJK) Jákishevti memlekettik medısınalyq mekemede tekseristen ótýin talap etýde.  Ázirge qos taraptyń kelisimge kelýi múmkin bolmaı tur.

Jaz aıynda Jákishev úshinshi toptaǵy múgedek qataryna qosylyp, jumys jasaý qabiletiniń 50 paıyzynan aıyryldy. Sonymen birge Muhtar Jákishevtiń joǵary qan qysymnyń kesirinen kózdiń ishki tor qabyǵy jarylyp ketken. Kúz  mezgilinde Qaraǵandy qalasynda Jákishevtiń kózine operasıa jasaldy.

— Ol birneshe jyl buryn sotqa deıin, sottan keıin jáne tergeý kezinde de medısınalyq tekserýden ótken bolatyn. Alaıda aýrýdyń sebepteri naqty anyqtalmady. Onyń únemi qan qysymynyń joǵarylaýynyń sebebi nede? Tolyq emdelmegenniń nátıjesi. Oǵan tek birneshe dárilerdi berip qoıatyn, Muhtar sol dárilerdiń kúshimen ǵana júrip-túratyn edi. Kóptegen mamandarmen onyń densaýlyǵynyń nasharlaýyna baılanysty birneshe mamandarmen keńestim. Olardyń oıynsha, bul aýrýlardyń negizgi sebebi búırekte bolýy múmkin.   Muhtardyń aýrýdan aıyǵýyna tájirıbeli, medısınalyq mamandar qajet. Al mundaı mamandar birde-bir kolonıada joq" dep málimdedi Beısekeev.

Muhtar Jákishevtiń merziminen buryn bostandyqqa shyǵýyna múmkindik bar. Bul qyrkúıek aıynda belgili bolady.

— Ázirge bul týraly eshteńe aıta almaımyn, QAJK basshylyǵynan ótinish jazatyn bireý-mireý tabylatyn, tabylmaıtyndyǵy ázirge belgisiz bolyp tur, deıdi advokat.

Úshinshi toptaǵy múgedekterdi tek qana fızıkalyq jumystan ǵana bosatady, al bul merziminen buryn bosatylýyna negizgi sebep bola almaıdy.