Aqbota KERİMBEKOVA, ánshi:

– Jarylqap Qalybaıdy óz isiniń maıtalmany retinde jaqsy bilemin. Bul saılaýda Elbasynyń ózi saılanatyny belgili ǵoı, degenmen saılaýǵa qatysýǵa kim-kimniń de haqysy bar dep oılaımyn. Jarylqap aǵanyń bılikke el-jurttyń problemasyn jetkizemin deýi – quptarlyq is-aq. Eldiń qamyn oılaıtyn azamattardyń bılik basyna kelgenine shyn qýanamyz.

Saıat MEDEÝOV, ánshi: – Men Jarylqap Qalybaıdyń Prezıdenttikke úmitker bolýyna qarsy emesipin. Muny «durys emes» dep qabyldaýdyń qajeti joq. Árkim óz shamasyn biledi ǵoı. Mysaly, men ózimdi Prezıdenttikke usyna almas edim degen sekildi. Jarylqap aǵanyń bilimi, órisi jetip, «ulttyń talap-tilegin bılikke jetkizemin» dep tursa, onda nege ózin Prezıdenttikke usynbasqa?

Merýert TÚSİPBAEVA, ánshi: – Jarylqap Qalybaıdyń prezıdentikke úmitkerlikke saılaýǵa qatysyp jatqanyn qoldaımyn. Óıtkeni Jarylqap Qalybaı – elimizge tanymal azamat. Ekinshiden, óte myqty, saýatty jýrnalıs. Jýrnalıser – halyq pen bıliktiń ortasyndaǵy altyn kópir. Eger jýrnalıs qarapaıym halyqtyń muńyn muńdap, joǵyn joqtap, janaıqaıyn bılikke jetkizbese, kim jetkizedi?! «Tórtinshi bılik ókilderi» dep jýrnalıserdi aıtady ǵoı. Qazir, ókinishke qaraı, usaq-túıek, ósek-aıań jazǵysh jýrnalıser kóbeıip ketti. Jarylqap aǵa – burynǵy aǵa býyn jýrnalıserdiń biri. Sondyqtan onyń prezıdenttikke úmitker retinde tirkelip, halyqtyń muń-muqtajyn jetkizemin degeni jas jýrnalıserge úlgi bolýy kerek. Osy oraıda ol kisiniń bastamasyn qoldaımyn!

Altynaı JORABAEVA, ánshi: – Halyqty oılaǵan árbir azamattyń «elim» dep soqqan júreginen aınalyp ketesiń ǵoı. Óıtkeni ata-babamyzdyń qasyq qany qalǵansha kúresip alyp qalǵan jerin kórkeıtip, urpaqtyń ósip-ónýine kishkene bolsa da yqpaly tıgeni jaqsy. Jarylqap aǵaıdyń prezıdenttikke úmitker retinde tirkelgenin basynda túsinbeı qaldym. Sóıtsem, ol kisiniń kózdegeni halyqtyń áleýmettik jaǵdaıyn kóterý eken ǵoı. Árıne, ondaı azamattardyń baryna qýanamyz.

Jazıra BAIYRBEKOVA, ánshi: – Bizdiń elde halyqtyń sózin sóıleıtin azamattar óte az. Sondyqtan Jarylqap Qalybaıdyń «osy saılaýdy paıdalanyp, halyqtyń áleýmettik jaǵdaıyn, talap-tilegin, muń-muqtajyn bılikke jetkizsem» degen oıy maǵan unady. Sol sebepten ol kisini qoldaımyz. Ultyn, elin súıetin azamattardyń bas kótergeni, shynynda da, bizdi qýantady.

Maqsat BAZARBAEV, ánshi: – Shynyn aıtqanda, biz saıasatqa múldem aralaspaımyz. Sondyqtan Jarylqap Qalybaıdyń saılaýǵa qatysatyny týraly pikirimdi aıtpaı-aq qoıaıynshy. Sebebi bizge «zvonok» keldi. Aldyn ala eskertý jasaldy.

Gúlmıra AQÚRPEKOVA, ánshi: – Men saıasatqa aralasqandy unatpaımyn. Ár azamattyń ózin kandıdattyqqa usynýyna quqy bar ǵoı. Jarylqap aǵa emtıhannan ótkenin jańalyqtardan estidim. Ártisterdi halyq «óte baı, jaǵdaıy jaqsy» dep oılaıdy. Únemi kómek suraıdy. Sondyqtan Jarylqap aǵa osy saılaý dodasy arqyly halyqtyń áleýmettik jaǵdaıyn kótergenin qalaımyn. Prezıdenttiń de negizgi maqsaty – halyqtyń jaǵdaıyn jaqsartý ǵoı, sol jolda jumys istep jatyr. Jalpy, halqyn oılaıtyn azamattardyń kóp bolǵanyn qalaımyn.

Tamara ASAR, ánshi: – J.Qalybaı – óte isker adam. Ol kisi – joqtan bar jasaýshy, ultshyl azamat. Árıne, prezıdenttikke qol jetkizý qıyn, biraq bul maqsaty quptarlyq is.

Toptastyrǵan Nurgeldi Ábdiǵanıuly