Keshe ǵana Kaspıı qubyr konsorsıýmyn (KTK) ýkraındyq qarýly drondar ashyq shabýyldady. Bul bombalaýdy ýkraındyq qarýly kúshteri rastady. Degenmen, atqylaýdyń sebebi boıynsha ýkraındyq qarýly kúshteriniń pozısıasy anyq emes.
«Ne úshin, nege?» – degen suraqtarǵa naqty saıası jaýap alýymyz kerek. Óıtkeni, bul strategıalyq Kaspıı qubyry boıynsha tek qana qazaqstandyq munaı tasymaldanatyny barlyǵyna málim. Iaǵnı, bul qarýly shabýyldy iri halyqaralyq jobaǵa jasalǵan qıanat dep baǵalaýǵa bolady.
Odan qalsa, bizdiń elimizdegi óndiriletin munaı da AQSH, Eýropa memleketterimen ortaqtasqan iri Transulttyq kompanıalardyń úlesi bar ekeni anyq.
Eń bastysy AQSH, Eýropa men Qazaqstan árdaıym osy soǵystyń beıbit aıaqtalýy úshin óziniń tikeleı saıası kózqarasyn bildirip júr. Naqtylasaq, Qazaqstan bul arnaıy áskerı operasıany basynan bastap qoldamaǵan jáne pozısıasyn ashyq jarıalady.
Reseıdi soǵysty toqtatýǵa da shaqyrǵan biz edik. Barlyq taraptarǵa arnaıy alań berýge daıyn ekenimizdi ashyq jarıalap, shıelenistiń beıbit túrde sheshilýin jáne oǵan BUU-nyń aralasýyn da usyndyq.
Sondyqtan, tez arada atalǵan shabýylǵa ýkraın jaǵy barlyq halyqaralyq sharttarǵa sáıkes saıası jaýap berýi tıis dep oılaımyn. Bul máseleni Syrtqy ister mınıstrligi óz baqylaýyna alýy tıis.
Pikir qaldyrý